حُسنِ بے تماشا کی، دُھوم کیا معمّا ہے
کان بھی ہیں نا محرم، آنکھ بھی ترَستِی ہے
چتوَنوں سے مِلتا ہے، کچھ سراغ باطن کا
چال سے تو کافر پر سادگی برستی ہے
یاس، یگانہ، چنگیزی
روندے ہے نقشِ پا کی طرح خلق ياں مجھے
اے عمررفتہ چھوڑ گئی تو کہاں مجھے
اے گُل تو رخت باندھ ، اُٹھاؤں ميں آشياں
گُل چِيں تجھے نہ ديکھ سکے باغباں مجھے
میر درد
باندھے کمر سحر گہ ، آیا ہے میرے کِیں پر
جو حادثہ فلک سے، نازل ہُوا زمِیں پر
آخر کو ہے خُدا بھی تو، اے میاں جہاں میں
بندے کے کام کچھ کیا موقوُف ہیں تُمِھیں پر
میر تقی میر
