alone_leo82 said:

جس سے یہ طبیعت بڑی مشکل سے لگی تھی​

احمد فراز​

​

جس سے یہ طبیعت بڑی مشکل سے لگی تھی ​

​

دیکھا تو وہ تصویر ہر اک دل سے لگی تھی ​

​

تنہائی میں روتے ہیں کہ یوں دل کو سکوں ہو ​

​

یہ چوٹ کسی صاحب محفل سے لگی تھی ​

​

اے دل ترے آشوب نے پھر حشر جگایا ​

​

بے درد ابھی آنکھ بھی مشکل سے لگی تھی ​

​

خلقت کا عجب حال تھا اس کوئے ستم میں ​

​

سائے کی طرح دامن قاتل سے لگی تھی ​

​

اترا بھی تو کب درد کا چڑھتا ہوا دریا ​

​

جب کشتیٔ جاں موت کے ساحل سے لگی تھی​

Click to expand...

alone_leo82 said:

تڑپ اٹھوں بھی تو ظالم تری دہائی نہ دوں​

احمد فراز​

​

تڑپ اٹھوں بھی تو ظالم تری دہائی نہ دوں ​

​

میں زخم زخم ہوں پھر بھی تجھے دکھائی نہ دوں ​

​

ترے بدن میں دھڑکنے لگا ہوں دل کی طرح ​

​

یہ اور بات کہ اب بھی تجھے سنائی نہ دوں ​

​

خود اپنے آپ کو پرکھا تو یہ ندامت ہے ​

​

کہ اب کبھی اسے الزام بے وفائی نہ دوں ​

​

مری بقا ہی مری خواہش گناہ میں ہے ​

​

میں زندگی کو کبھی زہر پارسائی نہ دوں ​

​

جو ٹھن گئی ہے تو یاری پہ حرف کیوں آئے ​

​

حریف جاں کو کبھی طعن آشنائی نہ دوں ​

​

مجھے بھی ڈھونڈ کبھی محو آئنہ داری ​

​

میں تیرا عکس ہوں لیکن تجھے دکھائی نہ دوں ​

​

یہ حوصلہ بھی بڑی بات ہے شکست کے بعد ​

​

کہ دوسروں کو تو الزام نارسائی نہ دوں ​

​

فرازؔ دولت دل ہے متاع محرومی ​

​

میں جام جم کے عوض کاسۂ گدائی نہ دوں​

Click to expand...