Poetry آج کے منتخب اشعار

[master007]

پھر دَمِ دِید رہے چشم ونظر دِید طلب ​
پھر شبِ وصْل مُلاقات نہ ہونے پائی​
​
فیض سر پر جو ہر اِک روز قیامت گُزری! ​
ایک بھی، روزِ مکافات نہ ہونے پائی​
​
فیض احمد فیض ​​​

 

[master007]

ناتوانی مِری دیکھی، تو مصوّر نے کہا ​
ڈر ہے، تم بھی کہیں کِھنچ آؤ نہ تصویر کے ساتھ​
​
میں ہُوں کیا چیز، جو اُس طرز پہ جاؤں اکبر​
ناسخ و ذوق بھی، جب چل نہ سکے میر کے ساتھ​
​
اکبرالٰہ آبادی​​​

 

[master007]

دلِ پُر داغ کو ارماں، کہ گلے اُن کے لگے
اُن کو یہ ڈر، کہ گلے کا یہ کہِیں ہار نہ ہو


اکبرالٰہ آبادی​​

 

[master007]

جان فرقت میں نہ نِکلے، تومُجھے کیوں ہوعزیز!
دوست وہ کیا، جو مُصیبت میں مددگار نہ ہو


اکبرالٰہ آبادی​​

 

[master007]

خوشا اشارہٴ پیہم، زہے سکوتِ نظر​
دراز ہوکے فسانہ ہے مختصر پھر بھی ​
​
خراب ہو کے بھی سوچا کئے ترے مہجور ​
یہی کہ تیری نظر ہے تِری نظر پھر بھی​
​
فراق گورکھپوری ​​​

 

[master007]

تہوں میں دل کے جہاں کوئی واردات ہوئی ​
حیاتِ تازہ سے، لبریز کائنات ہوئی ​
​
تم ہی نے باعثِ غم بارہا کِیا دریافت!​
کہا تو رُوٹھ گئے، یہ بھی کوئی بات ہوئی ​
​
فراق گورکھپوری​​​

 

[master007]

اب تو لے دے کے وہی شخص بچا ہے مُجھ میں​
مُجھ کو مُجھ سے جو جُدا کر کے چُھپا ہے مُجھ میں​
​
کرشن بہاری نُورؔ لکھنوی​​​

 

[master007]

اُس تشنہ لب کی نیند نہ ٹُوٹے دُعا کرو​
جس تشنہ لب کو خواب میں دریا دِکھائی دے​
​
کیا حُسن ہے، جمال ہے، کیا رنگ رُوپ ہے​
وہ بِھیڑ میں بھی جائے تو تنہا دِکھائی دے​
​
​
کرشن بہاری نُورؔ لکھنوی​​​

 

[master007]

جسے آپ گِنتے تھے آشنا، جسے آپ کہتے تھے باوفا​
میں وہی ہُوں مومنِؔ مُبتلا، تمہیں یاد ہو، کہ نہ یاد ہو​
​
مومن خان مومنؔ​​​

 

[master007]

میرا غم نہ کر میرے چارہ گر، تیری چارہ جوئی بجا مگر​
میرا درد ہے میری زندگی، مجھے دردِ دل کی دوا نہ دے​
​
میں وہاں ہُوں اب میرے ناصحا! کہ جہاں خُوشی کا گُزر نہیں​
میرا غم حدّوں سے گزر گیا، مجھے اب خُوشی کی دُعا نہ دے​
​
گنیش بہاری طرزؔ​​​