Poetry آج کے منتخب اشعار

[master007]

سِتم جاگتے ہیں، کرَم سو رہے ہیں
محبّت کے جاہ و حشم سو رہے ہیں

مِرے نکتہ سازو! سُخن کے خُداؤ !
پکارو کہ لوح و قلم سو رہے ہیں

ساغر صدیقی​​

 

[master007]

مِری اُجڑی اُجڑی سی آنکھوں میں ساغر!
زمانے کے رنج و اَلم سَو رہے ہیں

ساغر صدیقی​​

 

[master007]

اِک وہ، کہ آرزؤں پہ، جیتے ہیں عُمْر بھر!​
اِک ہم، کہ ہیں ابھی سے پشیمانِ آرزُو​
​
آنکھوں سے جُوئے خُوں ہے روَاں، دل ہے داغ داغ​
دیکھے کوئی، بہارِ گُلِستانِ آرزُو​
​
اختر شیرانی​​​

 

[master007]

صحرا ہی غنیمت ہے، جو گھر جاؤگے لوگو
وہ عالمِ وحشت ہے کہ مر جاؤگے لوگو

یادوں کے تعاقب میں اگر جاؤگے لوگو
میری ہی طرح تم بھی بِکھرجاؤگے لوگو

سرشار صدیقی​​

 

[master007]

اِس پر نہ قدم رکھنا کہ یہ راہِ وفا ہے
سرشار نہیں ہو، کہ گزر جاؤگے لوگو

سرشار صدیقی​​​

 

[master007]

کارواں چھُوٹ گیا رات کے سنّاٹے میں​
رہ گئی ساتھ مِرے، حسرتِ منزل تنہا​
​
بیکل اُتساہی​​​

 

[master007]

گو نہیں رہتا کبھی پردے میں رازِ عاشقی
تُم نے چُھپ کر اوربھی اِس کونمایاں کردیا

اِن بُتوں کی صُورتِ زیبا کو اصغر کیا کہوں
پر خُدا نے، وائے ناکامی! مُسلماں کردیا

اصغر گونڈوی​​

 

[master007]

قائل ہیں ہم اے داغ اُس انداز سُخن کے !
ہر شعر میں ہو حافظِ شیراز کا انداز

داغ دہلوی​​

 

[master007]

کل مِلا وقت تو زُلفیں تیری سُلجھاؤں گا
آج اُلجھا ھوں حالات کے سُلجھانے میں

احمد ندیم قاسمی
​​

 

[master007]

خوش چشم و خوش اطوار و خوش آواز و خوش اندام​
اک خال پہ قربان سمرقند و بخارا​
​
جوش ملیح آبادی​​​