Poetry آج کے منتخب اشعار

[master007]

اور بھی دکھ ہیں زمانے میں محبت کے سوا
راحتیں اور بھی ہیں وصل کی راحت کے سوا

فیض احمد فیض
​​

 

[master007]

دائم آباد رہے گی دنیا
ہم نہ ہوں گے کوئی ہم سا ہوگا

ناصر کاظمی
​​

 

[master007]

عمر دراز مانگ کے لائے تھے چار دن
دو آرزو میں کٹ گئے، دو انتظار میں

بہادر شاہ ظفر
​​

 

[master007]

بیٹھنے کون دے ہے پھر اس کو
جو تیرے آستاں سے اٹھتا ہے

میر تقی میر
​​

 

[master007]

کانٹے تو خیر کانٹے ہیں ان سے گلہ ہے کیا
پھولوں کی واردات سے گھبرا کے پی گیا
ساغر وہ کہہ رہے تھے کی پی لیجیئے حضور
ان کی گزارشات سے گھبرا کے پی گیا

ساغر صدیقی
​​

 

[master007]

تدبیر میرے عشق کی کیا فائدہ طبیب
اب جان ہی کے ساتھ یہ آزار جائے گا

میر تقی میر
​​

 

[master007]

میرے سنگ مزار پر فرہاد
رکھ کے تیشہ کہے ہے، یا استاد

میر تقی میر
​​

 

[master007]

ہشیار یار جانی، یہ دشت ہے ٹھگوں کا
یہاں ٹک نگاہ چوکی اور مال دوستوں کا

نظیر اکبر آبادی
​​

 

[master007]

مے پئیں کیا کہ کچھ فضا ہی نہیں
ساقیا باغ میں گھٹا ہی نہیں

امیر مینائی
​​

 

[master007]

سلسلے توڑ گیا وہ سبھی جاتے جاتے
ورنہ اتنے تو مراسم تھے کہ آتے جاتے

احمد فراز
​​