Poetry آج کے منتخب اشعار

[master007]

دُکھ بھری داستان ماضی کی
حال کی بے رُخی کا قصّہ ہُوں
اے حقیقت کے ڈھونڈنے والے
میں تِری جستجو کا حِصّہ ہوں

ساغر صدیقی​​

 

[master007]

خود نکہتِ گُل جرمِ چمن میں تھی مُلوّث
جب غور سے دیکھا تو نہ بجلی نہ شرارے

ساغر صدیقی​​

 

[master007]

دل کی رُت ایسی تو یادِ یار نے بدلی نہ تھی
یہ چمن اُجڑا ہی اِس ڈھب سے، کہ صحرا بن گیا

فانی بدایونی​​

 

[master007]

ہیں آج کیوں ذلیل، کہ کل تک نہ تھی پسند
گستاخیِ فرشتہ ہماری جناب میں

غالب​​

 

[master007]

کم نہیں وہ بھی خرابی میں، پہ وسعت معلوم
دشت میں ہے مجھے وہ عیش کہ گھر یاد نہیں

غالب​​

 

[master007]

چمکنا برق کا لازم پڑا ہے ابرِ باراں میں​
تصور چاہیے رونے میں اُس کے روئے خنداں کا ​
​
ناسخ ​​​

 

[master007]

بات کچھ دن کی ہے موسم تو بدل جانے دے
تیری آنکھوں کے لیے خواب نئے لاؤں گا

فیض الحسن خیال​​

 

[master007]

ہو نہ بےتاب غمِ ہجرِ بُتاں میں مومن​
دیکھ دو دن میں بس اب فضلِ خُدا ہوتا ہے​

مومن​​​

 

[master007]

نہ ہو رہائی قفس سے، اگر نہیں ہوتی
نگاہِ شوق تو بے بال و پر نہیں ہوتی


قمر جلال آبادی​​

 

[master007]

انساں عجیب رنگ سے دن کاٹ رہا ہے
حُلیے کا اُس کو ہوش، نہ گھر گھاٹ رہا ہے

ایک دَور یہ تھا وقت کو ہم کاٹ رہے تھے !
اک حشر یہ ہے، وقت ہمیں کاٹ رہا ہے

ڈاکٹر خیال امروہی​​