Poetry آج کے منتخب اشعار

[master007]

بالیں پہ کہیں رات ڈھل رہی ہے
یا شمع پگھل رہی ہے
پہلُو میں کوئی چیز جل رہی ہے
تم ہو، کہ مِری جاں نِکل رہی ہے

فیض احمد فیض​​

 

[master007]

ہستی کے مت فریب میں آ جائیو اسد​
عالم تمام حلقۂ دامِ خیال ہے​
​
اسد الله خاں غالب​​​

 

[master007]

اُجالے اپنی یادوں کے ہمارے ساتھ رہنے دو
نجانے کِس گلی میں زندگی کی شام ہوجائے​
​
بشیر بدر ​​​

 

[master007]

کی وفا ہم سے تو غیر اُس کو جفا کہتے ہیں​
ہوتی آئی ہے کہ اچّھوں کو بُرا کہتے ہیں​
​
آج ہم اپنی پریشانیِ خاطر اُن سے​
کہنے جاتے تو ہیں، پر دیکھیے کیا کہتے ہیں​
​
مرزا غالب ​​​

 

[master007]

گر خامشی سے فائدہ اخفائے حال ہے​
خوش ہُوں، کہ میری بات سمجھنی محال ہے​
​
مرزا غالب​​​

 

[master007]

اُٹھاؤں پردۂ ہستی، جو ہو جہاں نہ خراب ​
سُناؤں رازِ حقیقت، جو خوفِ دار نہ ہو

​
اصغر گونڈوی ​​​

 

[master007]

یہ دیکھتا ہُوں تِرے زیرِ لب تبسّم کو ​
کہ بحرِ حُسن کی اِک موجِ بے قرار نہ ہو

​
اصغر گونڈوی ​​​

 

[master007]

دِکھادے بیخودئ شوق، وہ سماں مجھ کو​
کہ صبْحِ وصْل نہ ہو، شامِ اِنتظار نہ ہو​

نِگاہِ شوق کو یارائے سیر و دِید کہاں​
جو ساتھ ساتھ تجلّئ حُسنِ یار نہ ہو
​
اصغر گونڈوی ​​​

 

[master007]

شعُورِ غم نہ ہو، فکرِ مآلِ کار نہ ہو ​
قیامتیں بھی گُزرجائیں ہوشیار نہ ہو ​


اصغر گونڈوی​​​

 

[master007]

ڈگمگانے لگے ہیں پائے طلب
دل ابھی ابتدائے راہ میں ہے

میرے پندارِ عشق پر مت جا
یہ ادائے نازِ گاہ گاہ میں ہے

جگر مُراد آبادی​​