امجد اسلام امجد

[alone_leo82]

ہم زاد​

امجد اسلام امجد​

​

کچھ کیا جائے نہ سوچا جائے ​

​

مڑ کے دیکھوں تو نہ دیکھا جائے ​

​

میری تنہائی کی وحشت سے ہراساں ہو کر ​

​

میرا سایہ میرے قدموں میں سمٹ آیا ہے ​

​

کون ہے پھر جو مرے ساتھ چلا آتا ہے ​

​

میرا سایہ تو نہیں!! ​

​

کس کی آہٹ کا گماں ​

​

یوں مرے پاؤں کی زنجیر بنا جاتا ہے ​

​

دور تا حد نظر شہر کے آثار نہیں ​

​

اور دشمن کی طرح ​

​

شام تلوار لیے سر پہ چلی آتی ہے ​

​

بولتا ہوں تو اچانک کوئی ​

​

میری آواز میں آواز ملا دیتا ہے ​

​

مجھ کو خود میرے ہی لفظوں سے ڈرا دیتا ہے ​

​

کون ہے جس نے مرے قلب کی دھڑکن دھڑکن ​

​

اپنے احساس کی سولی پہ چڑھا رکھی ہے ​

​

میری رفتار کے پر خوف و خطر رستے میں ​

​

کس نے آواز کی دیوار بنا رکھی ہے ​

​

سنگ آواز کی دیوار گراؤں کیسے ​

​

کچھ کیا جائے نہ سوچا جائے ​

​

مڑ کے دیکھوں تو نہ دیکھا جائے​

 

[alone_leo82]

یوں تو اس دنیا کی ہر اک چیز نیاری ہے​

امجد اسلام امجد​

​

یوں تو اس دنیا کی ہر اک چیز نیاری ہے ​

​

لیکن اپنے دیس کی دھرتی سب سے پیاری ہے ​

​

چندا ماموں نیل گگن میں اچھے لگتے ہیں ​

​

روشن روشن تارے کیسے پیارے لگتے ہیں ​

​

نیل گگن نے اپنی محفل خوب سنواری ہے ​

​

کھیت سنہرے بادل گہرے موسم پیارے ہیں ​

​

منظر منظر پھول کھلاتے خواب ہمارے ہیں ​

​

اللہ کے انعام کا کیسا چشمہ جاری ہے ​

​

یوں تو اس دنیا کی ہر اک چیز نیاری ہے ​

​

لیکن اپنے دیس کی دھرتی سب سے پیاری ہے​

 

[alone_leo82]

اے ہجر زدہ شب​

امجد اسلام امجد​

اے ہجر زدہ شب ​

​

آ تو ہی مرے سینے سے لگ جا کہ بٹے غم ​

​

احساس کو تنہائی کی منزل سے ملے رہ ​

​

آواز کی گمنام زمینوں کو ملے نم ​

​

آ کچھ تو گھٹے غم ​

​

اس ساعت مہجور کی فریاد ہو مدھم ​

​

کیوں نوحہ بہ لب پھرتی ہے محروم مخاطب ​

​

اے ہجر زدہ شب ​

​

دیکھ آج تمناؤں کی بے سمت ہوائیں ​

​

دل شرمندہ نظر کو ​

​

پھر لے کے چلی ہیں وہی بے رخت ہوائیں ​

​

اسی جادو کے نگر کو ​

​

جس خاک پہ اترے تھے مرادوں کے صحیفے ​

​

سنکی تھی جہاں سبز ہوا، کوئے وفا کی ​

​

مہکے تھے جہاں پھول صفت رنگ کسی کے ​

​

اس خاک کا ہر روپ مرے واسطے زندان ​

​

کچھ روٹھے ہوئے خواب ہیں کچھ ٹوٹے ہوئے مان ​

​

کچھ برسے ہوئے ابر ہیں کچھ ترسے ہوئے لب ​

​

اے ہجر زدہ شب ​

​

آ تو ہی گلے لگ کے بتا کون یہاں ہے ​

​

جز خود سری موج ہوا کون یہاں ہے ​

​

ہمدرد مرا تیرے سوا کون یہاں ہے ​

​

آ چوم لوں آنکھیں تری رخسار ترے لب ​

​

اے ہجر زدہ شب​

 

[Haris1234]

مجھے اپنے جینے کا حق چاہیے​

امجد اسلام امجد


​

مجھے اپنے جینے کا حق چاہیے
​

زمیں جس پہ میرے قدم ٹک سکیں ​

​

اور تاروں بھرا کچھ فلک چاہیے ​

​

مجھے اپنے جینے کا حق چاہیے ​

​

نعمتیں جو میرے رب نے دھرتی کو دیں ​

​

صاف پانی ہوا بارشیں چاندنی ​

​

یہ تو ہر ابن آدم کی جاگیر ہیں ​

​

یہ ہماری تمہاری کسی کی نہیں ​

​

مجھ کو تعلیم صحت اور امید کی ​

​

سات رنگوں بھری اک دھنک چاہیے ​

​

مجھے اپنے جینے کا حق چاہیے ​

​

نہ ہوا صاف ہے نہ فضا صاف ہے ​

​

وہ جو آب بقا تھا وہ ناصاف ہے ​

​

زمیں ہو سمندر ہو یا آسماں ​

​

اک ذرا سوچیے اب کہ کیا صاف ہے ​

​

موت سے پر خطر ہے یہ آلودگی ​

​

دوستو دل میں تھوڑی کسک چاہیے ​

​

مجھے اپنے جینے کا حق چاہیے ​

Wah Kya bat ha Amjad Islam Amjad SB ki boht aala