Poetry محسن نقوی

[Sexy_dick_lhr]

اجڑے ہوئے لوگوں سے گریزاں نہ ہوا کر​

حالات کی قبروں کے یہ کتبے بھی پڑھا کر​

​

کیا جانئے کیوں تیز ہوا سوچ میں گم ہے​

خوابیدہ پرندوں کو درختوں سے اڑا کر​

​

اس شخص کے تم سے بھی مراسم ہیں تو ہوں گے​

وہ جھوٹ نہ بولے گا مرے سامنے آ کر​

​

ہر وقت کا ہنسنا تجھے برباد نہ کر دے​

تنہائی کے لمحوں میں کبھی رو بھی لیا کر​

​

وہ آج بھی صدیوں کی مسافت پہ کھڑا ہے​

ڈھونڈا تھا جسے وقت کی دیوار گرا کر​

​

اے دل تجھے دشمن کی بھی پہچان کہاں ہے​

تو حلقۂ یاراں میں بھی محتاط رہا کر​

​

اس شب کے مقدر میں سحر ہی نہیں محسنؔ​

دیکھا ہے کئی بار چراغوں کو بجھا کر​

 

[Haris1234]

اجڑے ہوئے لوگوں سے گریزاں نہ ہوا کر​

حالات کی قبروں کے یہ کتبے بھی پڑھا کر​

​

کیا جانئے کیوں تیز ہوا سوچ میں گم ہے​

خوابیدہ پرندوں کو درختوں سے اڑا کر​

​

اس شخص کے تم سے بھی مراسم ہیں تو ہوں گے​

وہ جھوٹ نہ بولے گا مرے سامنے آ کر​

​

ہر وقت کا ہنسنا تجھے برباد نہ کر دے​

تنہائی کے لمحوں میں کبھی رو بھی لیا کر​

​

وہ آج بھی صدیوں کی مسافت پہ کھڑا ہے​

ڈھونڈا تھا جسے وقت کی دیوار گرا کر​

​

اے دل تجھے دشمن کی بھی پہچان کہاں ہے​

تو حلقۂ یاراں میں بھی محتاط رہا کر​

​

اس شب کے مقدر میں سحر ہی نہیں محسنؔ​

دیکھا ہے کئی بار چراغوں کو بجھا کر​

Wah wah boht aala

 

[Sexy_dick_lhr]

تجھے اب کس لئے شکوہ ہے بچے گھر نہیں رہتے​

جو پتے زرد ہو جائیں وہ شاخوں پر نہیں رہتے​

​

تو کیوں بے دخل کرتا ہے مکانوں سے مکینوں کو​

وہ دہشت گرد بن جاتے ہیں جن کے گھر نہیں رہتے​

​

جھکا دے گا تیری گردن کو یہ خیرات کا پتھر​

جہاں میں مانگنے والوں کے اونچے سر نہیں رہتے​

​

یقیناً یہ رعایا بادشاہ کو قتل کر دے گی​

مسلسل جبر سے محسن دلوں میں ڈر نہیں رہتے​

 

[Sexy_dick_lhr]

فنکار ہے تو ہاتھہ پہ سورج سجا کے لا​

بجھتا ہوا دیا نہ مقابل ہوا کے لا​

​

دریا کا انتقام ڈبو دے نہ گھر تیرا​

ساحل سے روز روز نہ کنکر اٹھا کے لا​

​

اب اختتام کو ہے سخی حرف التماس​

کچھہ ہے تو اب وہ سامنے دست دعا کے لا​

​

پیماں وفا کے باندھ مگر سوچ سوچ کر​

اس ابتدا میں یوں نہ سخن انتہا کے لا​

​

آرائش جراحت یاراں کی بزم میں​

جو زخم دل میں ہیں سبھی تن پر سجا کے لا​

​

تھوڑی سی اور موج میں آ اے ہوائے گل​

تھوڑی سی اس کے جسم کی چرا کے لا​

​

گر سوچنا ہیں اہل مشیت کے حوصلے​

میداں سے گھر میں ایک تو میت اٹھا کے لا​

​

محسن اب اس کا نام ہے سب کی زبان پر​

کس نے کہا کہ اس کو غزل میں سجا لا​

 

[Sexy_dick_lhr]

یہ رونقیں یہ لوگ یہ گھر چھوڑ جاؤنگا​

اک دن میں روشنی کا نگر چھوڑ جاؤ نگا​

​

مرنے سے پیشتر میری آواز مت چرا​

میں اپنی جاۂیداد ادھر چھوڑ جاؤں گا​

​

قاتل مرا نشان مٹانے پہ ہے بضد​

میں بھی سناں کی نوک پہ سرَ چھوڑ جاؤنگا​

​

تْو نے مجھے چراغ سمجھ کر بجھا دیا​

لیکن تیرے لۓ میں سحر چھوڑ جاؤنگا​

​

آۂندہ نسل مجھ کو پڑھے گی غزل غزل​

میں حرف حرف اپنا ہنر چھوڑ جاؤنگا​

 

[Sexy_dick_lhr]

​

میرے سِوا سرِ مقتل مقام کس کا ہے​

کہو کہ اب لبِ قاتل پہ نام کس کا ہے​

​

یہ تخت و تاج و قبا سب انہیں مبارک ہوں​

مگر بہ نوکِ سِناں احترام کس کا ہے​

​

تمہاری بات نہیں تم تو چارہ گر تھے مگر​

یہ جشنِ فتح، پسِ قتلِ عام کس کا ہے​

​

ہماری لاش پہ ڈھونڈو نہ اُنگلیوں کے نشاں​

ہمیں خبر ہے عزیزو یہ کام کس کا ہے​

​

فنا کے ہانپتے جھونکے ہوا سے پوچھتے ہیں​

جبینِ وقت پہ نقشِ دوام کس کا ہے​

​

تمہاری بات تو حرفِ غلط تھی مِٹ بھی گئی​

اُتر گیا جو دلوں میں کلام کس کا ہے​

​

وہ مطمئن تھے بہت قتل کر کے محسنؔ کو​

مگر یہ ذکرِ وفا صبح و شام کس کا ہے​

 

[Sexy_dick_lhr]

فلک پر اِک ستارا رہ گیا ہے​

میرا ساتھی اکیلا رہ گیا ہے​

​

یہ کہہ کر پھر پلٹ آئیں ہوائیں​

شجر پر ایک پتا رہ گیا ہے​

​

ہر اِک رُت میں تیرا غم ہے سلامت​

یہ موسم ایک جیسا رہ گیا ہے​

​

ہمارے بعد کیا گزری عزیزو​

سناؤ شہر کیسا رہ گیا ہے؟​

​

برس کچھ اور اے آوارہ بادل​

کہ دِل کا شہر پیاسا رہ گیا ہے​

​

خداوندا سنبھال اپنی امانت​

بشر دنیا میں تنہا رہ گیا ہے​

​

حوادث کس لیے ڈھونڈیں گے مجھ کو؟​

میرے دامن میں اب کیا رہ گیا ہے؟​

​

ستارے بانٹتا پھرتا ہوں "محسن"​

مگر گھر میں اندھیرا رہ گیا ہے​

 

[Sexy_dick_lhr]

مطمئن ہوں کہ مجھے یاد رکھے گی دنیا​

جب بھی اس شہر کی تاریخِ وفا لکھے گی​

​

میرا ماتم اِسی چپ چاپ فضاء میں ہوگا​

میرا نوحہ اِنہی گلیوں کی ہوا لکھے گی​

 

[Sexy_dick_lhr]

بچھڑ کے مجھ سے کبھی تو نے یہ بھی سوچا ہے​

ادھورا چاند بھی کتنا اداس لگتا ھے​

​

یہ ختم وصال کا لمحہ ہے را ئگاں نہ سمجھ​

کہ اس کے بعد وہی دوریوں کا صحرا ہے​

​

کچھ اور دیر نہ جھاڑنا اداسیوں کے شجر​

کسے خبر کون تیرے سائے میں بیٹھا ہے​

​

یہ رکھ رکھاؤ محبت سکھا گئی اس کو​

وہ روٹھ کر بھی مجھے مسکرا کے ملتا ہے​

​

میں کس طرح تجھے دیکھوں نظر جھجکتی ہے​

یہ بدن ہے کہ آئینو ں کا دریا ہے​

​

کچھ اس قدر بھی تو آساں نہیں ہے عشق تیرا​

یہ زہر دل میں اتر کے ہی راس آتا ہے​

​

میں تجھ کو پا کے بھی کھویا ہوا سا رہتا ہوں​

کبھی کبھی تو مجھے تو نے ٹھیک سمجھا ہے​

​

مجھے خبر ہے کہ کیا ہے جدائیوں کا عذاب​

کہ میں نے شاخ سے گل کوبچھڑتے دیکھا ہے​

​

میں مسکرا بھی پڑا ہوں تو کیوں خفا ہیں یہ لوگ​

کہ پھول ٹوٹی ہو ئی قبر پر بھی کھلتا ہے​

​

اسے گنوا کے میں زندہ ہوں اس طرح محسن​

کہ جیسے تیز ہوا میں چراغ جلتا ہے​

 

[Sexy_dick_lhr]

خزاں کی دھوپ سے شکوہ فضول ہے محسن​

میں یوں بھی پھول تھا آخر مجھے بکھرنا تھا​

​

وہ کون لوگ تھے ، ان کا پتہ تو کرنا تھا​

مرے لہو میں نہا کر جنہیں نکھرنا تھا​

​

یہ کیا کہ لوٹ بھی آئے سراب دیکھ کے لوگ​

وہ تشنگی تھی کہ پاتال تک اترنا تھا​

​

گلی کا شور ڈرائے گا دیر تک مجھ کو​

میں سوچتا ہوں دریچوں کو وا نہ کرنا تھا​

​

یہ تم نے انگلیاں کیسے فگار کر لی ہیں ؟​

مجھے تو خیر لکیروں میں رنگ بھرنا تھا​

​

وہ ہونٹ تھے کہ شفق میں نہائی کرنیں تھیں ؟​

وہ آنکھ تھی کہ خنک پانیوں کا جھرنا تھا ؟​

​

گلوں کی بات کبھی راز رہ نہ سکتی تھی​

کہ نکہتوں کو تو ہر راہ سے گزرنا تھا​

​

خزاں کی دھوپ سے شکوہ فضول ہے محسن​

میں یوں بھی پھول تھا آخر مجھے بکھرنا تھا​