احمد فراز

[Aashiq]

زبردست

 

[Aashiq]

واہ واہ واہ

 

[Aashiq]

واہ واہ واہ بہت اعلی

 

[Aashiq]

بہت خوبصورت شاعری واہ

 

[Mounty]

Kamal bhai ahmad faraz shb ki shayari post karny ka shukriya

 

[Sun flower]

ان بارشوں سے دوستی اچھی نہیں فراز۔
کچا تیرا مکاں ہے کچھ تو خیال کر
بہت اعلئ لا جواب

 

[alone_leo82]

ساقیا ایک نظر جام سے پہلے پہلے​

احمد فراز​

​

ساقیا ایک نظر جام سے پہلے پہلے ​

​

ہم کو جانا ہے کہیں شام سے پہلے پہلے ​

​

نو گرفتار وفا سعئ رہائی ہے عبث ​

​

ہم بھی الجھے تھے بہت دام سے پہلے پہلے ​

​

خوش ہو اے دل کہ محبت تو نبھا دی تو نے ​

​

لوگ اجڑ جاتے ہیں انجام سے پہلے پہلے ​

​

اب ترے ذکر پہ ہم بات بدل دیتے ہیں ​

​

کتنی رغبت تھی ترے نام سے پہلے پہلے ​

​

سامنے عمر پڑی ہے شب تنہائی کی ​

​

وہ مجھے چھوڑ گیا شام سے پہلے پہلے ​

​

کتنا اچھا تھا کہ ہم بھی جیا کرتے تھے فرازؔ ​

​

غیر معروف سے گمنام سے پہلے پہلے​

 

[alone_leo82]

اول اول کی دوستی ہے ابھی​

احمد فراز​

​

اول اول کی دوستی ہے ابھی ​

​

اک غزل ہے کہ ہو رہی ہے ابھی ​

​

میں بھی شہر وفا میں نو وارد ​

​

وہ بھی رک رک کے چل رہی ہے ابھی ​

​

میں بھی ایسا کہاں کا زود شناس ​

​

وہ بھی لگتا ہے سوچتی ہے ابھی ​

​

دل کی وارفتگی ہے اپنی جگہ ​

​

پھر بھی کچھ احتیاط سی ہے ابھی ​

​

گرچہ پہلا سا اجتناب نہیں ​

​

پھر بھی کم کم سپردگی ہے ابھی ​

​

کیسا موسم ہے کچھ نہیں کھلتا ​

​

بوندا باندی بھی دھوپ بھی ہے ابھی ​

​

خود کلامی میں کب یہ نشہ تھا ​

​

جس طرح روبرو کوئی ہے ابھی ​

​

قربتیں لاکھ خوبصورت ہوں ​

​

دوریوں میں بھی دل کشی ہے ابھی ​

​

فصل گل میں بہار پہلا گلاب ​

​

کس کی زلفوں میں ٹانکتی ہے ابھی ​

​

مدتیں ہو گئیں فرازؔ مگر ​

​

وہ جو دیوانگی کہ تھی ہے ابھی​

 

[alone_leo82]

ہوئی ہے شام تو آنکھوں میں بس گیا پھر تو​

احمد فراز​

​

ہوئی ہے شام تو آنکھوں میں بس گیا پھر تو ​

​

کہاں گیا ہے مرے شہر کے مسافر تو ​

​

مری مثال کہ اک نخل خشک صحرا ہوں ​

​

ترا خیال کہ شاخ چمن کا طائر تو ​

​

میں جانتا ہوں کہ دنیا تجھے بدل دے گی ​

​

میں مانتا ہوں کہ ایسا نہیں بظاہر تو ​

​

ہنسی خوشی سے بچھڑ جا اگر بچھڑنا ہے ​

​

یہ ہر مقام پہ کیا سوچتا ہے آخر تو ​

​

فضا اداس ہے رت مضمحل ہے میں چپ ہوں ​

​

جو ہو سکے تو چلا آ کسی کی خاطر تو ​

​

فرازؔ تو نے اسے مشکلوں میں ڈال دیا ​

​

زمانہ صاحب زر اور صرف شاعر تو​

 

[alone_leo82]

تیرے قریب آ کے بڑی الجھنوں میں ہوں​

احمد فراز​

​

تیرے قریب آ کے بڑی الجھنوں میں ہوں ​

​

میں دشمنوں میں ہوں کہ ترے دوستوں میں ہوں ​

​

مجھ سے گریز پا ہے تو ہر راستہ بدل ​

​

میں سنگ راہ ہوں تو سبھی راستوں میں ہوں ​

​

تو آ چکا ہے سطح پہ کب سے خبر نہیں ​

​

بے درد میں ابھی انہیں گہرائیوں میں ہوں ​

​

اے یار خوش دیار تجھے کیا خبر کہ میں ​

​

کب سے اداسیوں کے گھنے جنگلوں میں ہوں ​

​

تو لوٹ کر بھی اہل تمنا کو خوش نہیں ​

​

یاں لٹ کے بھی وفا کے انہی قافلوں میں ہوں ​

​

بدلا نہ میرے بعد بھی موضوع گفتگو ​

​

میں جا چکا ہوں پھر بھی تری محفلوں میں ہوں ​

​

مجھ سے بچھڑ کے تو بھی تو روئے گا عمر بھر ​

​

یہ سوچ لے کہ میں بھی تری خواہشوں میں ہوں ​

​

تو ہنس رہا ہے مجھ پہ مرا حال دیکھ کر ​

​

اور پھر بھی میں شریک ترے قہقہوں میں ہوں ​

​

خود ہی مثال لالۂ صحرا لہو لہو ​

​

اور خود فرازؔ اپنے تماشائیوں میں ہوں​