امجد اسلام امجد

[Asad2002]

امجد اسلام امجد میرے پسندیدہ شاعر ہے۔

 

[Imran Munir]

امجد اسلام امجد ایک لاجواب شاعر

 

[alone_leo82]

بزدل​

امجد اسلام امج


​

ہجوم سنگ انا اور ضبط پیہم نے ​

​

مثال ریگ رواں بے قرار رکھا ہے ​

​

مرے وجود کی وحشت نے رات بھر مجھ کو ​

​

غبار قافلۂ انتظار رکھا ہے ​

​

بہ پیش خدمت چشم سراب آلودہ ​

​

ہوا نے دست طلب بار بار رکھا ہے ​

​

میں تیری یاد کے جادو میں تھا سحر مجھ کو ​

​

نجانے کون سی منزل پہ لا کے چھوڑ گئی ​

​

کہ سانس سانس میں تیرے بدن کی خوشبو ہے ​

​

قدم قدم پہ تری آہٹوں کا ڈیرا ہے ​

​

مگر نظر میں فقط شب زدہ سویرا ہے ​

​

تہی تہی سے مناظر ہیں گرد گرد فضا ​

​

متاع عمر وہی ایک خواب تیرا ہے ​

​

ترے جمال کا پرتو نہیں مگر پھر بھی ​

​

خیال آئینہ خانہ سجائے بیٹھا ہے ​

​

جدھر بھی آنکھ اٹھاتا ہوں ایک وحشت ہے ​

​

تو ہی بتا کہ کہاں تک فریب دوں خود کو ​

​

کہ میرا عکس مرے خوف کی شہادت ہے ​

​

مرا وجود ہے اور شہر سنگ باراں ہے ​

​

بچاؤں جان کہ تعمیر قصر ذات کروں ​

​

میں اپنا ہاتھ بغل میں دبائے سوچتا ہوں ​

​

مرے نصیب میں سورج کہاں جو بات کروں ​

​

میں وادیوں کی مسافت سے کس لیے نکلوں ​

​

سفر اک اور پہاڑوں کے پار رکھا ہے​

 

[alone_leo82]

آتے جاتے دن​

امجد اسلام امجد​

​

آتے جاتے دن کیا کہتے ہیں سن ​

​

علم کے چاند چراغ سے ساتھی ​

​

جیون کے اس باغ سے ساتھی ​

​

ساری کلیاں چن ​

​

آتے جاتے دن کیا کہتے ہیں سن ​

​

آدھا ہے ایمان صفائی ​

​

جس نے عادت یہ اپنائی ​

​

اس کا روشن نام ہے ساتھی ​

​

سب سے بھلا یہ کام ہے ساتھی ​

​

سب سے اچھا گن ​

​

اچھی آنکھیں اچھے خواب ​

​

ساز ہے دنیا دل مضراب ​

​

چاروں جانب پیار ہو ساتھی ​

​

ہر اک راہ بہار ہو ساتھی ​

​

دل میں ہو جو دھن ​

​

آتے جاتے دن کیا کہتے ہیں سن​

 

[alone_leo82]

خود سپردگی​

امجد اسلام امجد​

​

رات بھیگے تو پرانے قصے ​

​

پئے ترتیب کوئی اور سہارا ڈھونڈیں ​

​

چاندنی نیند کا پھیلا ہوا جادو لے کر ​

​

دل کے بے خواب نگر میں اترے ​

​

اور ہوا دھوپ سے بولائی ہوئی سڑکوں پر ​

​

لوریاں گاتی نکلے ​

​

اوس ہر پھول کے دامن میں ستارے بھر دے ​

​

لیکن اس خواب خیالی کا نتیجہ کیا ہے ​

​

رات کی گود مرے درد کی منزل تو نہیں ​

​

دامن گل پہ چمکتی شبنم ​

​

لوریاں دیتی ہوئی سرد ہوا ​

​

چاندی کی نرم سنہری کرنیں ​

​

سب کے سینوں میں اتر جائیں گی ​

​

کل کے سورج کی جھلستی کرنیں ​

​

درد پھر خاک بہ سر آئے گا ​

​

خواب کی آنکھ میں سمٹا ہوا سارا کاجل ​

​

خود اسی خواب کے چہرے پہ بکھر جائے گا ​

​

دل کے قصوں کا مقدر ہے پریشاں حالی ​

​

پئے ترتیب سہاروں کا تعاقب چھوڑو ​

​

سوچ کے بخت میں اظہار کا لمحہ کب تھا ​

​

دل ناکام سرابوں کا تعاقب چھوڑو ​

​

صبح دم پھر وہی پتلی کا تماشا ہوگا ​

​

جاگتی رات کے خوابوں کا تعاقب چھوڑو​

 

[alone_leo82]

شکست انا​

امجد اسلام امجد​

​

آج کی رات بہت سرد بہت کالی ہے ​

​

تیرگی ایسے لپٹتی ہے ہوائے غم سے ​

​

اپنے بچھڑے ہوئے ساجن سے ملی ہے جیسے ​

​

مشعل خواب کچھ اس طور بجھی ہے جیسے ​

​

درد نے جاگتی آنکھوں کی چمک کھا لی ہے ​

​

شوق کا نام نہ خواہش کا نشاں ہے کوئی ​

​

برف کی سل نے مرے دل کی جگہ پا لی ہے ​

​

اب دھندلکے بھی نہیں زینت چشم بے خواب ​

​

آس کا روپ محل دست تہی ہے جیسے ​

​

بحر امکان پہ کائی سی جمی ہے جیسے ​

​

ایسے لگتا ہے کہ جیسے مرا معمورۂ جاں ​

​

کسی سیلاب زدہ گھر کی زبوں حالی ہے ​

​

نہ کوئی دوست نہ تارا کہ جسے بتلاؤں ​

​

اس طرح ٹوٹ کے بکھرا ہے انا کا شیشہ ​

​

میرا پندار مرے دل کے لیے گالی ہے ​

​

نبض تاروں کی طرح ڈوب رہی ہے جیسے! ​

​

غم کی پنہائی سمندر سے بڑی ہے جیسے! ​

​

آنکھ صحراؤں کے دامن کی طرح خالی ہے ​

​

وحشت جاں کی طرف دیکھ کے یوں لگتا ہے ​

​

موت اس طرح کے جینے سے بھلی ہے جیسے ​

​

تیرگی چھٹنے لگی، وقت رکے گا کیوں کر ​

​

صبح خورشید لیے در پہ کھڑی ہے جیسے ​

​

داغ رسوائی چھپانے سے نہیں چھپ سکتا ​

​

یہ تو یوں ہے کہ جبیں بول رہی ہے جیسے!​

 

[alone_leo82]

وہ ابھی اپنے چہرے میں اترا نہیں​

امجد اسلام امجد​

​

کس سے پوچھوں وہ کیا ​

​

شخص ہے جو مری ​

​

آرزو کے جھروکوں میں ٹھہرے ہوئے ​

​

سارے چہروں میں بکھرا ہوا ہے مگر ​

​

خود ابھی اپنے چہرے میں اترا نہیں ​

​

کس سے پوچھوں وہ کیا ​

​

نام ہے جو مری ​

​

دھڑکنوں کے مقدر میں مرقوم ہے ​

​

اور وہ کیا اجنبی ہے جو صدیوں سے میرے خیالوں کے قریے میں آباد ہے ​

​

مگر میرا صورت شناسا نہیں ​

​

کس کی آواز ہے! ​

​

جو مری روح میں نغمہ پرواز ہے ​

​

کون بتلائے گا اس نگر کا پتہ ​

​

جس کی مٹی کی خوشبو مرے جسم کے واسطے درج ہے، ​

​

جس کے دیوار و در میری بے خواب آنکھوں سے مانوس ہیں ​

​

اور جس کو کبھی میں نے دیکھا نہیں ​

​

نارسائی مری نارسائی مری! ​

​

جس کو پایا نہ تھا اس کو کھونے کا غم ​

​

میری خواہش کے سینے کا ناسور ہے ​

​

کس کو آواز دوں کس کا ماتم کروں ​

​

وہ ابھی اپنے چہرے میں اترا نہیں ​

​

کس سے پوچھوں مرا مدعا کون ہے! ​

​

نارسا کون ہے!​

 

[alone_leo82]

مجھے اپنے جینے کا حق چاہیے​

امجد اسلام امجد


​

مجھے اپنے جینے کا حق چاہیے
​​​​​​​

زمیں جس پہ میرے قدم ٹک سکیں ​

​

اور تاروں بھرا کچھ فلک چاہیے ​

​

مجھے اپنے جینے کا حق چاہیے ​

​

نعمتیں جو میرے رب نے دھرتی کو دیں ​

​

صاف پانی ہوا بارشیں چاندنی ​

​

یہ تو ہر ابن آدم کی جاگیر ہیں ​

​

یہ ہماری تمہاری کسی کی نہیں ​

​

مجھ کو تعلیم صحت اور امید کی ​

​

سات رنگوں بھری اک دھنک چاہیے ​

​

مجھے اپنے جینے کا حق چاہیے ​

​

نہ ہوا صاف ہے نہ فضا صاف ہے ​

​

وہ جو آب بقا تھا وہ ناصاف ہے ​

​

زمیں ہو سمندر ہو یا آسماں ​

​

اک ذرا سوچیے اب کہ کیا صاف ہے ​

​

موت سے پر خطر ہے یہ آلودگی ​

​

دوستو دل میں تھوڑی کسک چاہیے ​

​

مجھے اپنے جینے کا حق چاہیے ​

 

[alone_leo82]

چمکو چمکو پیارے تارو​

امجد اسلام امجد​

​

چمکو چمکو پیارے تارو ​

​

رنگوں اور امیدوں والے ​

​

آنکھوں میں پھر خواب اتارو ​

​

چمکو چمکو پیارے تارو ​

​

رات بہت ہے کالی کالی ​

​

گلیاں ہیں سب خالی خالی ​

​

ہوا چلے تو ڈر لگتا ہے ​

​

سونا سونا گھر لگتا ہے ​

​

روشن سارے منظر کر دو ​

​

دنیا کو خوشیوں سے بھر دو ​

​

چمکو چمکو پیارے تارو ​

​

چپکے سے کھڑکی میں آؤ ​

​

اچھے اچھے گیت سناؤ ​

​

سب سے بچ کر سب سے چھپ کے ​

​

بات کریں گے چپکے چپکے ​

​

بادل سے تم دور ہی رہنا ​

​

جو کہنا ہو ہم سے کہنا ​

​

چمکو چمکو پیارے تارو ​

​

رنگوں اور امیدوں والے ​

​

آنکھوں میں پھر خواب اتارو ​

​

چمکو چمکو پیارے تارو​

 

[alone_leo82]

آواز کے پتھر​

امجد اسلام امجد​

​

کون آئے گا! ​

​

شب بھر گرتے پتوں کی آوازیں مجھ سے کہتی ہیں ​

​

کون آئے گا! ​

​

کس کی آہٹ پر مٹی کے کان لگے ہیں! ​

​

خوشبو کس کو ڈھونڈ رہی ہے! ​

​

شبنم کا آشوب سمجھ ​

​

اور دیکھ کہ ان پھولوں کی آنکھیں ​

​

کس کا رستہ دیکھ رہی ہیں ​

​

کس کی خاطر ​

​

قریہ قریہ جاگ رہا ہے ​

​

سونا رستہ گونج رہا ہے ​

​

کس کی خاطر!! ​

​

تنہائی کے ہول نگر میں ​

​

شب بھر گرتے پتوں کی آوازیں چنتا رہتا ہوں ​

​

اپنے سر پر تیز ہوا کے نوحے سنتا رہتا ہوں​