Life Story دل عشقم

[Man mojiMan moji is verified member.]

“عمائم جاؤ بیٹا اپنے ماموں کے پاس ” عابدہ بیگم نے کوئی چوتھی بار اسے کہا تھا۔شائستہ بیگم نے اسے ہائیر کر لیا تھا سیلری گو کہ زیادہ نہیں تھی مگر اتنی ضرور تھی کہ وہ آرام سے اپنی ضروریات پوری کر سکتی تھی وہ اس میں بھی مطمئن تھی کیونکہ کچھ نا ہونے سے ہونا زیادہ بہتر تھا۔۔”افف جاتی ہوں آپ تو بھیج کر ہی رہیں گیں””ہاں جاؤ اور اپنی زبان کو زرا قابو میں رکھنا”ان کی بات کر سر ہلاتے وہ چادر اوڑھتے گھر سے نکلی تھی۔۔ماموں کے گھر میں داخل ہوئی تو وہ اسے وہیں لاونج میں چائے پیتے نظر آئے انہیں سلام کرتے وہ ان کے سامنے پڑے صوفے پر بیٹھ گئی۔”مل گئی فرصتِ آنے کی ؟” رابعہ ممانی کی طنز سے بھرپور آواز پر اس نے بمشکل چہرے پر مسکراہٹ سجائے انہیں دیکھا۔ کچھ بھی کہنے سے البتہ گریز کیا تھا۔۔”ہاں تو تم نوکری کرنا چاہتی ہو؟””جی ماموں””ایسی کون سی ضرورت ہم تمہاری پوری نہیں کر رہے عمائم جو نوکری کرنے کی ضرورت پڑ گئی؟”افتخار ماموں کی بات پر اس نے ایک نظر رابعہ ممانی کو دیکھا وہ سمجھ گئی تھی ماموں کے منہ میں زبان کس کی ہے۔۔۔”کوئی کمی نہیں ماموں مگر اب میں اس قابل ہوگئی ہوں کہ خود کما سکوں آپ نے اتنے سالوں سے ہمیں کھلایا ہے اب مزید آپ کو تنگ کرنا اچھی بات تو نہیں نا؟””جو بھی ہے تم چھوڑو اس نوکری کے خیال کو””معذرت ماموں مگر نوکری مجھے مل گئی ہے گھر کے اندر کی نوکری ہے بے فکر رہیں آپ کی ساخت خراب نہیں ہوگی ” اپنی بات مکمل کرکے وہ اپنی جگہ سے اٹھی تھی۔۔”امی گھر میں اکیلی ہیں میں چلتی ہوں” اس سے پہلے رابعہ ممانی اسے کچھ بھی کہتیں وہ وہاں سے نکل آئی تھی۔۔۔__________کالج کی چھٹی ہوئی تو وہ سب لوگوں کے ساتھ باہر آئی نگاہ سامنے کھڑی گاڑی سے جا ٹکرائیں جہاں اجمل گاڑی سے ٹیک لگائے کھڑا تھا اسے دیکھ ایک دم سیدھا ہوا۔۔نور نے اسے مکمل نظر انداز کیا تھا اس کا کوئی ارادہ نہیں تھا اس شخص کے پاس جانے کا۔۔”میڈم پلیز گاڑی میں بیٹھ جائیں” وہ آگے بڑھنے لگی جب اجمل کی آواز پر اسکے قدم تھمے ۔”اور میں ایسا کیوں کروں؟” سینے پر ہاتھ باندھے وہ ماتھے پر تیوری چڑھائے اجمل کو دیکھ رہی تھی۔”دیکھیں میڈم سائیں آپ سے ملنا چاہتے ہیں””اپنے ٹھرکی سائیں سے کہو مجھ سے دور رہے آئی سمجھ “”آپ سمجھ نہیں رہی ہیں میڈم “”کیا سمجھوں تم کیا چاہتے ہو میں شور مچا مچا کر لوگوں کو اکھٹا کرلوں؟”اسکی دھمکی پر اجمل نے ایک نظر اسے دیکھا۔”تو آپ میرے ساتھ نہیں آئیں گی؟””نہیں اب کیا لکھ کر دوں ؟”پھاڑ کھانے کے انداز میں کہتی وہ مڑی تھی۔۔”یہ آپ کا اپنا فیصلہ ہے آگے جو ہوگا اسکی زمہ دار بھی آپ خود ہونگی”اجمل کی بات پر اس کے گردن موڑ کر اسے دیکھا اس سے پہلے وہ کچھ بھی سمجھتی پیچھے سے دو بھاری بھرکم عورتوں نے اسکے بازوؤں کو سختی سے پکڑا تھا۔۔”اے۔۔ اے کون ہو ہاتھ چھوڑو میرا” اس سے پہلے وہ شور مچاتی وہ دونوں عورتیں اسے اپنے پاس کھڑکی گاڑی میں دھکیلتی اسکے فرار کی راہیں مفقود کرتی گاڑی کا دروازہ بند کرگئی۔وہ چیخ رہی تھی خود کو چھڑانے کی کوشش کر رہی تھی مگر سب بے سود ۔۔۔



http://twitter.com/share?url=https:...fn-episode-6/&text=Dil Ishqam by FN Episode 6

___________چہرے پر سیاہ نقاب لگائے وہ خاموشی سے اس گھر میں داخل ہوا تھا گھر کا کام اسکے ساتھ آیا شخص پہلے ہی توڑ چکا تھا۔آس پاس سناٹے کا راج تھا آنکھوں میں چمک لئے اس نے سیاہ جوتوں میں مقید اپنے پیر اس گھر کے اندر رکھے۔۔چھوٹا سا دو کمروں کا صاف ستھرا اپارٹمنٹ۔۔ادھر ادھر نظر دوڑاتے اس نے کسی کو ڈھونڈا تھا۔۔”تم نے تو کہا تھا وہ یہی ہیں ؟”ماتھے پر بل ڈالے اس نے ناگواری سے اپنے ساتھ آئے شخص کو گھورا۔”سر وہ اندر ہی ہیں پکی خبر ہے””گاڑی تیار ہے؟” آس پاس دیکھتے اب اس نے ایک کمرے کا دروازہ کھولا تھا جو اندر سے خالی تھا۔”,ہر چیز ریڈی ہے سر”اسکی بات پر سر ہلاتے اس نے دوسرے کمرے کا دروازہ کھول کر اندر دیکھا تو بیزاری بھرا تاثر لئے آنکھیں ایک دم چمکیں۔کچھ فتح کرلینے کی چمک۔۔مسکراتی نظروں سے بیڈ پر بےخبر سوئی شہرے کو دیکھتے اس نے اپنا ہاتھ اس آدمی کے آگے کیا جو اسکا مطلب سمجھتے فوراً سے جیب سے رومال نکال اسے تھما گیا۔”گاڑی بالکل ریڈی رکھنا۔۔ ” اسے جانے کا اشارہ کرتا وہ سیٹی پر اپنی من پسند دھن بجاتا اندر بیڈ کے قریب آکر رکا۔۔گھنٹوں کے بل بیڈ کے پاس بیٹھتے اس نے بغور اس نازک وجود کے ایک ایک نقش کو دیکھا تھا۔۔سوجی آنکھیں مڑی پلکیں، اسکا چہرہ بھی سرخ ہو رہا تھا چھوٹی سی ناک۔۔ وہ کسی کو بھی اپنے حسن سے متاثر کر سکتی تھی مگر سامنے مامون شیرازی تھی جو اس کے حسن کی وجہ سے نہیں بلکہ اس سے نفرت کی وجہ سے یہاں موجود تھا۔سامنے موجود لڑکی کا انکار۔۔ اس کے لئے انا کا مسئلہ تھا۔۔”ہے لٹل گرل لک” اسکے چہرے پر آئے بالوں کو انگلی کی مدد سے پیچھے کرتے اس نے شہرے کے کان میں سرگوشی کی۔۔”ویک اپ لٹل گرل۔۔ لک آئی ایم ہئیر” وہ اسکے کان پر جھکا سرگوشیاں کر رہا تھا۔اپنے کان پر گرم سانسوں کی تپش محسوس کرتے وہ نیند میں کسمسائی۔۔”آنکھیں کھولو لٹل گرل۔۔ ایسے چپکے سے لے جانے میں مزہ نہیں آئے گا” اسکے گال پر انگلی رکھتا وہ اب گول دائرہ بنا رہا تھا اپنے گرم ہوتے چہرے پر ٹھنڈے ہاتھ کا لمس محسوس کر شہرے نے آنکھیں کھولیں۔خود پر جھکے مامون کو دیکھ اسکا دل دھک سے رہ گیا تھا۔۔۔”تم۔۔۔””ششش۔۔۔شور نہیں” اسکے ہونٹوں پر انگلی رکھتا وہ اسے کچھ بھی کہنے سے روک گیا۔خوفزدہ نگاہوں سے شہرے نے مامون کو دیکھا۔ بڑی بڑی آنکھیں کھولے وہ مامون کے چہرے کو دیکھ رہی تھی جہاں بس اسکی آنکھیں نمایاں تھیں۔۔۔”پلیز”نم لہجہ نم آنکھیں اس نے بمشکل اتنا کہا تھا۔۔”ارادہ کچھ وقت کا تھا مگر تم نے مجھے مجبور کردیا لٹل گرل۔۔”اسکے ہونٹوں پر سے انگلی ہٹاتا وہ دھیمے سے مسکرایا۔”میرے ساتھ یہ مت کرو”وہ ڈر گئی تھی بہت زیادہ۔۔ لڑنے کی ہمت ہی نہیں تھی اب اس میں۔۔”کہاں کچھ کر رہا ہوں بس تمہیں اپنے ساتھ لے کر جا رہا ہوں “”کی۔۔ کیا۔۔مم۔۔۔مطلب” کسی خوفزدہ ہرنی کی طرح اس نے مامون کو دیکھا۔مامون کو آج وہ بہت الگ لگی دو ملاقاتوں سے یکسر مختلف۔۔۔ ڈری سہمی سی۔۔ معصوم سی دل کو اپنی طرف مائل کر لینے والی۔۔۔”میری دنیا میں لے کر جا رہا ہوں تمہیں لٹل گرل” اسکی اداس آنکھوں میں دیکھ کر کہتا وہ اچانک ہی ہاتھ میں موجود رومال اسکی ناک پر رکھ گیا بنا اسے۔ سنبھلنے کی مہلت دئیے ۔۔پھیلی آنکھوں سے ہاتھ پیر چلاتے وہ اسکے آغوش میں کسی کٹی ڈال کی طرح گری تھی۔آنکھ سے ایک آنسو ٹوٹ کر اسکے گال پر بہا تھا۔۔مامون نے ایک نظر اس آنسو کو دیکھا اور پھر اسے بانہوں میں بھرے اس گھر سے نکل کر اپنی گاڑی میں بیٹھا تھا۔۔”سر کہا چلنا ہے؟”اسکے آدمی کے پوچھنے پر مامون نے بے خبر پڑی شہرے پر سے نگاہیں ہٹا کر اسے دیکھا جس کی گود میں شہرے کا بیگ پڑا تھا۔”ائیر پورٹ””سر میڈم کا پاسپورٹ نہیں ہے” اس آدمی نے آہستہ سے کہا ناجانے کب اسکے پاس کا موڈ خراب ہو جائے۔۔”پرائیویٹ جیٹ کا استعمال کرو رات ہونے سے پہلے ہمیں اس ملک کو خدا حافظ کہنا ہے” باہر نظر آتے نظاروں پر نگاہیں جمائے کہتا وہ واپس سے اپنے کندھے سے لگی بےہوش پڑی شہرے کو دیکھنے لگا۔۔۔”اتنی معصوم ہو یا بس ایسے ہی لگ رہی ہو؟” اسکے چہرے کو دیکھتے اس نے آہستہ سے ہاتھ بڑھاتے اسکے چہرے پر پھیلے بال سمیٹ کر سائیڈ کئے۔”ظہیر تم میرے ساتھ آرہے ہو” ظہیر کو کہتے وہ سکون سے آنکھیں موند گیا چہرے پر فتح کی چمک تھی۔۔۔__________بیگ پر گرفت مضبوط کئے اس نے سامنے موجود گھر کو دیکھا کل کے مقابلے میں آج وہ ناجانے کیوں کنفیوز تھی۔۔۔”ارے عمائم بچے آگئی آپ ؟”شائستہ بیگم کی آواز پر ہولے سے مسکراتے وہ اندر داخل ہوئی۔”اسلام وعلیکم آنٹی””وعلیکم السلام عمائم یو لک پریٹی” جواب شائستہ بیگم کے بجائے زارون کی جانب سے آتا اسکے چہرے پر مسکراہٹ بکھیر گیا۔”یور لکنگ ہینڈسم زارون” اسے اپنے ساتھ لگائے وہ اسکے گال پر پیار کر گئی۔”دادو آپ جائیں نا””آپ کہیں جا رہی تھیں آنٹی ؟” زراون کی بات پر اس کی شائستہ بیگم کو دیکھا۔”ہاں بس میں یہاں پاس میں ہی جا رہی بس تھوڑی دیر میں واپس آجاؤں گی”ان کے بتانے پر وہ سر ہلاتی زارون کے ہمراہ اسکے روم میں آگئی۔تھوڑی ہی دیر میں وہ دونوں کمفرٹیبل انداز میں بیٹھے ڈرائنگ کر رہے تھے۔۔



“زارون۔۔۔” مردانہ آواز پر عمائم نے چونک کر دروازے کی جانب دیکھا۔دروازہ کھلا اور ضوریز کا چہرہ نمودار ہوا تھا ۔۔نگاہوں کے تصادم پر ضوریز ٹھٹک کر رکا۔۔۔”آپ ۔۔ آپ یہاں کیا کر رہی ہیں؟””آپ یہاں کیا کر رہے ہیں یہ سوال تو مجھے آپ سے پوچھنا چاہیے””میں آپ کو جواب دہ نہیں ہوں آئی سمجھ ” عمائم کے پوچھنے پر اس نے تڑخ کر جواب دیا۔”تو میں بھی آپ کو جواب دہ نہیں ہوں مسٹر” سینے پر ہاتھ باندھے اس نے ناگواری سے ضوریز کو دیکھا۔”میرے ہی گھر میں کھڑی ہیں جواب تو دینا ہوگا آپ کو””آپ کے گھر؟” اب کے چونکنے کی باری عمائم کی تھی۔۔”بابا۔۔۔ آپ عمائم سے ایسے بات مت کریں ” زارون کی پکار پر عمائم کی آنکھیں پھیلیں۔شاکڈ سے پھیلی آنکھوں سے اس نے پہلے ضوریز کو دیکھا اور پھر زارون کو جو اب اپنے باپ کی گود میں چڑھ رہا تھا۔۔”عمائم؟””بابا شی از مائے ٹیوٹر آئی لائک ہر ویری مچ” آنکھیں پٹپٹاتے اس نے اپنے طریقے اسے ضوریز کو وارن کیا تھا کہ اسے کچھ نا کہا جائے۔۔گہرا سانس بھرتے ضوریز نے عمائم کو دیکھا اور پھر سر جھٹکتے وہ زارون کی جانب متوجہ ہو گیا۔۔عمائم نے بہت ضبط کے ساتھ اس شخص کو اپنے سامنے دیکھا تھا ہر بار کی طرح اس ملاقات میں بھی کوئی خوشگواریت نہیں تھی۔۔”آپ میرے ساتھ آئیں” زارون کو اتارتا وہ اسکے کہتا بنا اسکا انتظار کئے باہر بڑھ گیا۔اسکے اس اٹیٹیوڈ پر عمائم کھول کر رہ گئی مگر وہ یہاں نوکری کر رہی تھی اس لئے ضوریز کی بات ماننا بھی ضروری تھا اس لئے وہ خاموشی سے باہر آگئی۔۔”جی کہیے؟””کیا مقصد ہے آپ کا مس عمائم ؟ “”کیا مطلب میں سمجھی نہیں کیا کہنا چاہتے ہیں آپ ؟””میں نے بہت صاف انداز میں کہا ہے پہلے میرے آفس اب میرے گھر کس مقصد کے تحت آئی ہیں آپ اس گھر میں “؟ اسکی بات پر عمائم کا منہ کھلا تھا وہ اسے سمجھ کیا رہا تھا؟””دیکھیں مسٹر میرا آپ سے کوئی مقصد نہیں یہاں میں کومل آپی کی وجہ سے آئی ہوں مجھے تو پتا بھی نہیں تھا اور اگر پتا ہوتا تو کبھی یہاں جاب نا کرتی “”اوو رئیلی۔۔۔؟””جی ہاں “”تو اب پتا چل گیا ہے نا تو اب آپ چھوڑ دیں یہ جاب ؟”وہ اسے نوکری سے نکال رہا تھا عمائم نے حیرت سے اسے دیکھا۔۔”اور ایسا میں کیوں کروں؟””کیونکہ یہ میرا گھر ہے اور میں آپ کو جاب چھوڑنے کے لئے کہہ رہا ہوں””ٹھیک ہے آنٹی ابھی آتی ہونگی ان کے سامنے بات کرینگے اب”اسے کہتے وہ اسکے پہلو سے نکلی تھی جب گھبراتے ضوریز نے اسکا بازو تھام اسے روکا۔۔”ہاتھ چھوڑیں میرا کیا بدتمیزی ہے ؟””امی کے سامنے آپ “”میں سب کہوں گیں۔۔ یہ آپ مجھے اس گھر سے نکال رہے ہیں اور میں واقعی جا رہی ہوں” ایک جھٹکے سے اپنا ہاتھ اسکی گرفت سے نکالتے وہ غصے سے باہر نکلی تھی۔”عمائم۔۔۔ بیٹا کہاں جا رہی ہیں؟”اندر آتی شائستہ بیگم نے حیرت سے اسے دیکھا۔”آپ کے بیٹے نے مجھے نوکری سے نکال دیا ہے آنٹی””کیا ؟ تم کہیں نہیں جا رہی ہو میرے ساتھ آؤ یہ کیا دماغ خراب ہوگیا ہے ضوریز کا” اسکا ہاتھ تھامے وہ اسکے ناچاہنے کے باوجود اسے لئے اندر بڑھی تھیں۔۔۔____________”یہ کیا بدتمیزی ہے چھوڑو مجھے ” بری طرح چلاتے وہ خود کو ان عورتوں کی گرفت سے آزاد کروانے کی کوشش کر رہی تھی جو کانوں کو لپیٹے بہری بنی ہوئی تھیں۔۔”چھوڑو میرا ہاتھ ۔۔۔ جانے دو مجھے” بنا اسکی کوئی بھی بات سنے وہ دونوں اسے زبردستی تھامے اس کمرے تک لائیں نور کو کمرے میں دھکیلتے انہوں نے پیچھے سے دروازہ لاک کیا تھا۔”دروازہ کھولو ۔۔۔ کوئی ہے سنو۔۔۔ دروازہ کھولو” وہ پاگلوں کی طرح دروازہ پیٹ رہی تھی اسکے ہاتھ سرخ ہوگئے تھے مگر وہاں اسکی سننے والا کوئی نہیں تھا اس کمرے میں سوائے بیڈ اور ایک اٹیچڈ باتھ کے ایسا کوئی دروازہ یا کھڑکی نہیں تھی جہاں وہ فرار ہو سکتی۔۔”یا اللہ میری مدد کریں” بیڈ پر بیٹھتے اس نے اپنا سر ہاتھوں میں گرایا۔۔وہ رونا نہیں چاہتی تھی اسے کمزور نہیں پڑنا تھا۔۔”جازب شاہ یہ ہے تمہاری مردانگی چھپ کر پیٹھ پیچھے وار کرتے ہو ہمت ہے تو سامنے آؤ” وہ ایکدم غصے سے چلائی تھی بیڈ پر پڑے کشن اور چادر اس نے غصے سے زمین بوس کئے تھے۔۔۔فرار کی کوئی راہ نہیں تھی تھک کر وہ بیڈ پر بیٹھی تھی۔۔بے دردی سے لب کچلتے اس نے خود کو رونے سے باز رکھا تھا۔۔کلک کی آواز کے ساتھ دروازہ کھلا تھا نور نے جھٹکے سے سر اٹھا کر دروازے کی جانب دیکھا۔۔جہاں جازب شاہ اپنی بھرپور شاندار پرسنالٹی کے ساتھ اسکے سامنے کھڑے تھے۔۔۔”تم۔۔۔ تمہاری ہمت کیسے ہوئی مجھے زبردستی یہاں بلانے کی ” وہ چیل کی طرح اس پر جھپٹی تھی اس سے پہلے وہ اسکا گریبان پکڑتی جازب شاہ نے اسکے دونوں ہاتھوں کو سختی سے اپنی گرفت میں لیتے اسکی کمر سے لگاتے ایک جھٹکے سے اسے اپنے قریب کیا تھا۔۔۔اس انتہا کی قربت پر نورے اپنا سانس تک روک گئی۔”میں نے کہا تھا نا مجھے مجبور نا کریں ؟” جازب شاہ کی نگاہیں اسکے چہرے کا طواف کررہی تھیں اور یہ نظریں نورے کو مضطرب کرنے کا باعث بنی تھیں ۔۔”چھوڑو مجھے ۔۔ میں نے کہا چھوڑو مجھے” اسکی گرفت میں مچلتے وہ غرائی۔۔جاذب شاہ کے چہرے پر مسکراہٹ کھلی تھی۔”کیا میری مردانگی کا ثبوت نہیں دیکھنا چاہیں گیں؟” اسے مزید اپنے قریب کرتا وہ اسے سانس روکنے پر مجبور کر گیا۔جازب کی سلگتی سانسیں وہ اپنے چہرے پر پڑتی محسوس کر رہی تھی۔”میں نے کہا تھا نا مجھے اپنی کرنے پر مجبور نا کرنا کیوں ایک بات سمجھ نہیں آتی نور فاطمہ ؟””دور ہوکر بات کریں مجھ سے “رخ موڑے وہ بمشکل بولی تھی۔زندگی میں پہلی بار وہ کسی مرد کے قریب آئی تھی اتنی سی قربت نے ہی اسکا چہرہ لال سرخ کیا تھا۔۔”یہ قربت تو ابھی کچھ بھی نہیں ہے اتنی سی پر بس ہوگئی آپ کی؟” اسکے چہرے پر پھونک مارتا وہ زومعنی لہجے میں کہتا نورے کو مٹھیاں بھینچنے پر مجبور کرگیا تھا۔۔ایک نظر اسکے چہرے کو دیکھتے جاذب نے اسے ایک جھٹکے سے خود سے دور کیا تھا۔۔”مجھے جانے دو پلیز””بیٹھو سامنے” اسکا انداز اتنا قطعی تھا کہ نورے بنا کچھ بھی کہے خاموشی سے بیڈ کی پائیتی پر ٹکی۔۔اپنی فتح پر مسکراتے جاذب نے دیوار سب ٹیک لگاتے سینے پر ہاتھ باندھے۔۔”مجھے کیوں بلایا ہے کیا صرف میری شکل دیکھنے کے لئے بلایا ہے؟” اسکے مسلسل دیکھنے پر وہ تڑخ کر بولی تھی یہ شخص اب اسکے حواس جھنجھلا رہا تھا۔۔”اپنی بیوی کو صرف شکل دیکھنے کے لئے نہیں بلایا بلکہ” وہ پراسرار سا مسکرایا تھا جبکہ بیوی لفظ پر نور نے جھٹکے سے اسے دیکھا تھا۔جاری ہے​

 

[Man mojiMan moji is verified member.]

مجھے کیوں بلایا ہے کیا صرف میری شکل دیکھنے کے لئے بلایا ہے؟” اسکے مسلسل دیکھنے پر وہ تڑخ کر بولی تھی یہ شخص اب اسکے حواس جھنجھلا رہا تھا۔۔”اپنی بیوی کو صرف شکل دیکھنے کے لئے نہیں بلایا بلکہ” وہ پراسرار سا مسکرایا تھا جبکہ بیوی لفظ پر نور نے جھٹکے سے اسے دیکھا تھا۔”کیا بکواس ہے یہ کون تمہاری بیوی؟””سب سے پہلے تو تمیز سے بات کرو ” جاذب کے چہرے پر ناگواری بھرا تاثر ابھرا تھا۔”مجھے جانے دو جاذب شاہ بہت ہوگیا ہے ورنہ” انگلی اٹھا کر اسے وارن کرتی وہ اسکی نگاہوں کی تپش پر ایک دم سے چپ ہوئی تھی اگلے الفاظ اسکے منہ میں ہی رہ گئے تھے۔۔۔”ورنہ؟” ماتھے پر بل لئے وہ پورے قد کے ساتھ اپنی جگہ سے اٹھا تھا۔نور نے خشک ہوتے لبوں پر زبان پھیر اٹھی انگلی خود بخود نیچے ہوئی تھی۔۔”دیکھو مجھ سے دور رہو” اسکے بڑھتے قدموں پر وہ پیچھے ہوتی دھڑام سے بیڈ پر گری تھی اس سے پہلے وہ سنبھل کر اٹھتی۔۔جاذب نے اسکے کندھے پر ہاتھ رکھے اسے بیڈ پر پیچھے دھکیلتے اپنے دونوں ہاتھ اسکے دائیں بائیں ٹکاتے اسکی فرار کی راہیں مفقود کی تھیں۔۔۔”ورنہ کیا نور صاحبہ کیا کریں گی آپ میرے ساتھ” اسکے چہرے کے قریب اپنا چہرہ کئے وہ تمسخرانہ مسکراہٹ کے ساتھ اسے دیکھ رہا تھا جو اسکے اتنے قریب آنے پر اپنی سانسیں تک روک گئی تھی۔۔۔جاذب کے کلون کی خوشبو اسکے اپنے دماغ میں چڑھتی محسوس ہو رہی تھی۔۔اپنے گال پر جاذب کی سانسوں کی تپش محسوس کر اس نے ہمت کر اپنے دونوں ہاتھ اسکے سینے پر رکھ اسے خود سے دور دھکیلنا چاہا مگر وہ اس چٹانی وجود کو ایک انچ بھی نہیں ہلا سکی تھی۔”مجھ سے دور رہو ورنہ میں دنیا کو بتاؤ گی یہ شریف بنا انسان ایک نمبر کا گھٹیا آدمی ہے”اسکی بھاری وجود کا بوجھ خود پر محسوس کر اسکی آنکھیں نم ہوئی تھیں مگر زبان اب بھی نہیں رکی تھی۔”تمہیں مجھ سے ڈرنا چاہیے نور فاطمہ یزدانی”اسکے نڈر انداز پر چوٹ کرتا وہ اپنا گال اسکے گال سے مس کرتا وہ اسے ساکت کر گیا۔۔”تم گھٹیا انسان دور رہو مجھ سے ” ہوش میں آتی وہ چلاتے اسے خود سے دور کرنے کی خاطر ہاتھ پاؤں چلا رہی تھی جب اسکا ہاتھ جازب شاہ کی مضبوط گرفت میں آئے تھے اسکے دونوں ہاتھ مضبوطی سے تھام اسکے سر پر لگاتے وہ اسکی بےبسی پر مسکرایا تھا ۔۔۔”بالکل ایسے ہی ۔۔۔ ہاں بالکل ایسے ہی تو دیکھنا چاہتا چاہتا ہوں میں تمہیں اور تمہارے خاندان کو تڑپتے ہوئے روتے ہوئے سسکتے ہوئے ۔۔۔ کہ تم مجھ سے اپنی آزادی کی بھیک مانگو اور میں تمہیں بتاؤں کہ قید آخر ہوتی کیسی ہے” وہ اسکے منہ پر غرایا خوف سے نورے کی آنکھیں پھیلیں۔۔۔”میں نے کیا بگاڑا ہے تمہارا مجھے جانے دو خدا کے لئے” اسکے ارادے اور اسکی قربت۔۔وہ واقعی ڈر گئی تھی ساری بہادری پل میں ہوا ہوئی تھی۔۔”جانے دوں ؟ اب تو موت کے بعد ہی تم میری قید سے آزاد ہوسکتی ہو”اسکی بات پر نورے نے اسے دیکھا جو اب مسکرا رہا تھا۔۔”موت ؟” اسکے لب پھڑپھڑائے۔۔۔”ہاں موت۔۔۔ میری یا پھر تمہاری” اسکی گردن میں چہرہ چھپائے وہ اسکی سانسیں روکنے پر تلا تھا۔”یو نو وائفی کتنا انتظار کروایا ہے مجھے؟””میں تمہاری بیوی نہیں ہوں سمجھ آئی دور رہو مجھ سے خدا کے لئے ” اسکی ڈھیلی پڑتی گرفت کا فائدہ اٹھاتے نور ایک جھٹکے سے اسے پیچھے دھکیلتے خود اٹھ کر دروازے کی جانب بھاگی تھی جو لاک تھا۔۔جازب نے بیڈ پر پڑے پڑے زرا سی گردن ترچھی کر اسے دیکھا جو دروازہ زور زور سے پیٹ رہی تھی۔۔سیدھے ہو کر لیٹتا وہ ایک ہاتھ سر کے نیچے رکھے بڑی فرصت سے اسے دیکھ رہا تھا جو بس یہاں سے بھاگنا چاہتی تھی دوپٹہ ایک سائیڈ پڑا تھا بال بکھر رہے تھے۔۔۔چہرے پر وحشت تھی اسکی حالت دیکھ جاذب کے ہونٹ سختی سے بھینچے۔۔”بھاگنے سے پہلے سائیڈ والی دراز میں ہمارہ نکاح نامہ ہے اور اسکے ساتھ ہمارے نکاح کی تصویر ۔۔۔ایک نظر انہیں دیکھ لو”جازب کی بات پر دروازہ بجاتے اسکے ہاتھ تھمے۔۔”اور تمہیں لگتا ہے میں تم جیسے سائیکو آدمی پر یقین کروں گی؟”اسکے سوال پر جازب نے کندھے اچکائے تھے۔۔نور نے بے بسی سے اسے دیکھا کہاں پھنس گئی تھی وہ آخر۔۔۔۔۔”مجھے یہاں سے جانے دو پلیز میری امی میرا انتظار کر رہی ہونگی””وہی امی جو اصل میں تمہاری امی ہیں ہی نہیں؟”وہ اسکی بات پر چونکی نہیں تھی وہ بڑا آدمی تھا اسکے لئے یہ سب جاننا کوئی مشکل بات نہیں تھی۔۔۔”اوہو لگتا ہے تمہیں اپنی ماں کے بارے میں پتا ہے مگر کیا تمہیں یہ پتا ہے دس سال پہلے تمہارے گھر والوں نے تمہیں اس عورت کے حوالے کردیا تھا اور ہر مہینے تمہارے نام پر ڈھیروں رقم اسکے اکاؤنٹ میں دیتے رہے ہیں؟”اب کی بار وہ چونکی تھی بری طرح سے ۔۔اسکے گھر والے پیسے؟””کک۔۔۔کیا مطلب ہے اس بات کا؟”اب کی بار جازب شاہ کھل کر مسکرایا تھا ۔۔۔”تو میری جان آپ کو واقعی نہیں پتا کہ آپ کے گھر والے آج بھی اس عورت سے رابطے میں ہیں؟””تم جھوٹ بول رہے ہو۔۔۔””اہاں۔۔۔ مجھے جھوٹ بول کر کیا ملے گا پورا گاؤں جانتا ہے تم میری ملکیت ہو میرے نکاح میں ہو اور تمہارے گھر والوں نے تم سے جان چھڑانے کے لئے تمہیں اس رات روڈ پر چھوڑ دیا تھا اور اپنی عورت بھیج دی تھی تاکہ وہ تمہیں لے جائے ۔۔۔ اور پھر وہ کہے گی تم اسے سڑک پر ملی تھیں تو اس بات کا یقین کرنا اتنا مشکل تو نہیں نا ؟”جاذب شاہ کی باتیں۔۔ اسکا پورا وجود زلزلوں کی زد میں تھا۔۔”چلو ایک ڈیل کرتے ہیں” اسکی ذہنی کیفیت سے بے نیاز وہ اپنی ہی کہہ رہا تھا۔۔نورے نے نگاہیں اٹھائے اسے دیکھا۔۔”تم جاؤ اور اپنی ماں سے سچ پوچھو اگر میرا کہا سچ ثابت ہوا تو تم میرے ساتھ چلو گی اس نکاح کو قبول کرو گی””اور اگر تم جھوٹے نکلے تو؟”اسکی بات پر جاذب نے اسے دیکھا چہرے کے تاثرات پل میں تبدیل ہوئے تھے۔”جاذب شاہ جھوٹ نہیں بولتا اور جھوٹ بولنے والے کو کبھی نہیں چھوڑتا””مجھے تمہاری بات پر اب بھی یقین نہیں نا تمہارے دعوت پر یقین ہے””یہ تو شام ہونے سے پہلے پتا چل جائے گا جاؤ ابھی کے لئے آزاد ہو ایک آخری بار اپنی مرضی کی سانسیں لے لو”اپنی جگہ سے اٹھتے وہ قدم بہ قدم چلتا اسکے پاس آکر رکا ۔ہاتھ بڑھا کر اس نے کوڈ ڈائل کر دروازہ کھولا تھا۔۔”شام میرے ساتھ چلنے کے لئے تیار رہنا””خوش فہمی ہے تمہاری تم ایک جھوٹے انسان ہو” ایک ایک لفظ چبا کر کہتی وہ تیزی سے اپنا سامان سمیٹتے وہاں سے نکلی تھی۔ اور وہ اسے جاتا دیکھتے رہا۔”آپ نے انہیں جانے کیوں دیا سائیں ؟””شکار کا کمزور ہونا بہت ضروری ہوتا ہے اجمل اور اس وقت میرا شکار کچھ زیادہ ہی مضبوط ہے”اجمل کا کندھا تھپتھپاتے وہ آگے بڑھا مگر پھر وہ رکا تھا۔۔”گاؤں جانے کی تیاری کرو اب وقت آگیا ہے واپس جانے کا”گلاسس آنکھوں پر لگاتا وہ پوری شان سے وہاں سے نکلا تھا۔کسی فاتح کی طرح۔۔۔۔


http://twitter.com/share?url=https:...fn-episode-7/&text=Dil Ishqam By FN Episode 7

پاؤں پر پاؤں چڑھائے سینے پر ہاتھ باندھے وہ صوفے پر بیٹھا تھا اسکا ایک پاؤں میں مسلسل حرکت میں تھا وہ خونخوار نظروں سے شائستہ بیگم کے ساتھ بیٹھی عمائم کو دیکھ رہا تھا جو اسکی نظروں سے انکنفرٹیبل ہو رہی تھی۔۔”کیا میں پوچھ سکتی ہوں ضوریز تم نے عمائم سے بدتمیزی کیوں کی؟””میں نے کوئی بدتمیزی نہیں کی “”ہاں بس بچی کو پہلے دن ہی نوکری سے نکال دیا ہے نا؟” ان کا بس نہیں چل رہا تھا کیا کرے اس انسان کا۔۔اتنی مشکل سے کوئی ٹیوٹر زارون کو پسند آئی تھی۔۔”آنٹی انہوں نے پہلے مجھے اپنے آفس میں جاب نہیں دی اور اب یہاں سے نکال دیا ہے آئی ایم سوری مگر میری بھی کوئی سیلف ریسپیکٹ ہے “”یہ تو اچھی بات ہے اس لئے کل سے آپ یہاں کام پر نہیں آرہی ہیں نا ؟”.”ضوریز ” اسکی بات پر شائستہ بیگم نے اسے گھور کر دیکھا جو بس گہرا سانس بھر کر رہ گیا۔”عمائم ضوریز کی جگہ میں معافی مانگتی ہوں بیٹا پلیز یہ جاب مت چھوڑنا””آپ معافی تو مت مانگیں آنٹی “ان کا ہاتھ تھامے وہ نرمی سے بولی تھی اسکا ایسا کوئی ارادہ نہیں تھا ان سے معافی منگوانے کا۔۔۔اسکے نرم لہجے پر ضوریز نے ناگواری سے اسے دیکھا اور اٹھ کھڑا ہوا۔۔”کہاں جا رہے ہو؟””آفس” ایک لفظی جواب دیتے وہ وہاں سے نکلتا چلا گیا شائستہ بیگم نے تاسف سے اسے جاتے دیکھا۔۔”,بیٹا برا مت ماننا اسکی باتوں کا بس وقت اور حالات نے اسے ایسے ہی کردیا ہے۔۔۔ “اب وہ کیا بولتی برا تو اسے لگا تھا مگر یہ واحد نوکری بھی چلی جاتی تو وہ کیا کرتی۔۔۔یہ نوکری چھوڑنا وہ کسی صورت افورڈ نہیں کر سکتی تھی۔”آپ فکر مت کریں میں یہ جاب نہیں چھوڑ رہی ہیں “”شکریہ بیٹا اب تم جاؤ زارون کے پاس کچھ بھجواتی ہوں کھانے کے لئے” اسکے منع کرنے کے باوجود انہوں نے اسکے لئے اچھے خاصے لوازمات بنوا کر بھیجے تھے زارون اپنا ہوم ورک کر رہا تھا اور وہ مکمل توجہ سے اسکا کام دیکھتے گاہے بگاہے اسکے کمرے پر بھی نظر ڈال لیتی۔کمرے کا جائزہ لیتے اسکی نگاہیں بیڈ کے سامنے زارون اور ضوریز کے انلارج پوٹرے کی جانب بڑھی۔اس نے پہلی بار اس شخص کو مسکراتے دیکھا تھا۔۔۔”ہونہہ بدتمیز انسان” منہ ہی منہ میں بڑبڑاتے وہ واپس زارون کی جانب متوجہ ہوگئی۔۔”وائے آر یو آپ سیٹ عمائم؟” زارون نے کاپی کر سے سر اٹھائے اسے دیکھا جو فوراً سے سیدھی ہوئی۔”آئی ایم ناٹ اپ سیٹ زارون” اسکے گال پر پیار کرتے وہ ہولے سے مسکرائی ۔۔۔”بابا بہت اچھے ہیں میرے عمائم۔۔۔” آنکھیں پٹپٹاتے وہ اسکے سامنے اپنے بابا کی تعریف کر رہا تھا ۔۔اسکا انداز ایسا تھا کہ عمائم کے چہرے پر بے ساختہ مسکراہٹ پھیل گئی۔۔___________


“کیا ضرورت تھی تم اس بچی سے ایسے بات کرنے کی ؟”شائستہ بیگم کی بات پر کھانے سے ہاتھ روک وہ انہیں دیکھنے لگا۔۔”ضوریز۔۔۔ اتنی مشکل سے زارون نے کسی کو قبول کیا ہے اب مزید کوئی مسئلہ نہیں کرو بیٹا” ان کی بات پر اس نے گہری سانس بھری تھی۔۔”آئی ایم سوری امی۔۔۔””بات سوری کی نہیں ہے ضوریز ۔۔۔ زارون کو ایک ماں کی ضرورت ہے مگر تم اسکی وجہ ضرورت پوری نہیں کرسکتے اب کم از کم اگر وہ ایک ٹیوٹر کی وجہ سے خوش ہے تو بیٹا کیوں اسے اداس کرنا؟”ان کی بات کر وہ سر ہلا گیا۔۔کہنے کو کچھ تھا ہی نہیں۔”مجھے کچھ کام ہے ” ادھورا کھانا چھوڑے وہ وہاں سے اٹھ گیا شائستہ بیگم نے دکھ سے اسے جاتے دیکھا تھا۔وہ سیدھا اپنے اسٹڈی میں آیا تھا۔۔کھڑکی کھول اس نے اپنے اندر کی گھٹن کم کرنے کی کوشش کی تھی مگر ناکام ہوا تھا۔سیگریٹ سلگاتے اس نے گہرا کش بھرا تھا ۔۔۔”آپ کیوں نہیں سمجھتیں امی۔۔۔ کوئی کیوں نہیں سمجھتا مجھے” اپنی شرٹ کے اوپری بٹن کھولتے اس نے اپنی گھٹن کم کرنے کی ناکام کوشش کی۔۔۔اسکی آنکھوں کے کنارے سرخ پڑ رہے تھے۔”بابا” زارون کی پکار پر اس نے مڑ کر دیکھا۔جو آہستہ سے چلتا اسکے پاس آیا ۔۔ضوریز نے اسے جھک کر اپنی گود میں بھرا تھا۔۔”بابا آر یو اپ سیٹ ؟””نو ” اسکے بال سنوارتے وہ اسے لئے صوفے پر جا بیٹھا زارون نے اسکے گرد اپنے ننھے ہاتھوں کی گرفت مضبوط کی تھی ۔۔”بابا آئی لو یو” اسکے گال پر پیار کرتے وہ ضوریز کو چونکا گیا۔۔اسے ہمیشہ ضوریز کی شیو چبھتی تھی مگر آج ۔۔”بابا زارون لو یو سو مچ” اپنے ننھے ہاتھ ضوریز کے چہرے کے اطراف رکھے۔۔۔ضوریز اس بار کھل کر مسکرایا تھا۔۔”بابا بالکل بھی اپ سیٹ نہیں ہیں میری جان” اسکے ماتھے پر لب رکھتے ضوریز نے اسے خود میں بھینچا تھا۔۔۔”بابا عمائم بھی بہت اچھی ہے آئی لائک ہر” اب کی بار ضوریز نے زارون کو دیکھا۔۔”آئی نو””آپ انہیں ڈانٹنا نہیں نا پلیز شی از مائے فرینڈ””نہیں ڈانٹتا میں آپ کی عمائم کو یہ بتائیں آج پورا دن کیا کیا میرے بیٹے نے؟””میں نے؟” ضوریز کے سوال پر ایکسائٹڈ ہوتا وہ اب پورے دن کی ڈیٹیلز اسے دے رہا تھا اور وہ مسکراتی نگاہوں سے اپنے بیٹے کو دیکھ رہا تھا وہ اسکی زندگی تھا اسکی خوشی کے لئے تو ضوریز کچھ بھی کر سکتا تھا۔۔__________



اس کی آنکھ کھلی تو اس نے خود کو انجانی جگہ پر پایا۔ نرم بستر پر ہاتھ پھیرتے اس نے اچنبھے سے اپنے ارد گرد کے ماحول کو دیکھا۔خوبصورت آرائش والا یہ کمرہ بہت بڑا تھا بلیک اور وائٹ کنٹراسٹ نے کمرے کی خوبصورتی میں اضافہ کیا تھا۔۔انجانی جگہ انجانا ماحول خوفزدہ ہو کر اس نے آس پاس نظریں دوڑائے کسی کو دیکھنا چاہا مگر سوائے اسکے وہاں کوئی نہیں تھا۔۔”عبیرہ۔۔۔۔” نقاہت کی وجہ سے اس سے اٹھا نہیں جا رہا تھا۔سر کو تھامے وہ بمشکل پیر لٹکائے بیڈ پر بیٹھی ہوئی تھی۔۔”ہے لٹل گرل ؟” عقب سے آتی آواز کر خوفزدہ ہوکر اُچھلتے اس نے پیچھے کی جانب دیکھا جہاں وہ بالکونی کے دروازے سے ٹیک لگائے بڑی فرصت سے کھڑا مسکراتی نگاہوں سے اسے دیکھ رہا تھا۔اسے اپنے سامنے دیکھ شہرے کو کچھ برا ہونے کا احساس ہوا تھا کچھ بہت برا۔۔خوف سے آنکھیں پھیلائے اس نے مامون کو دیکھا جس کی آنکھوں میں انوکھی سے چمک تھی۔”تم۔۔۔ تم یہاں۔۔ مجھے” وہ ہکلائی لفظ ٹوٹ ٹوٹ کر اسکے لبوں سے ادا ہوئے تھے۔”کم ان بے بی گرل۔۔ اس دن اتنی ہمت کی اور تھپڑ مار دیا اب ڈر رہی ویری بیڈ” سیگریٹ کا گہرا کش بھرتے اس نے دھواں اسکی جانب اڑایا تھا۔۔”آئی ایم سوری۔۔۔ مم۔۔ مجھے گھر”بیڈ سے اٹھتے وہ رو دینے کو ہوئی تھی۔”گھر ؟ کون سے گھر جس گھر سے تمہاری اپنی ماں نے نکال دیا تھا؟” چہرے پر معصومیت لئے وہ افسوس سے پوچھ رہا تھا۔۔”مجھے گھر جانے دو مجھے جانا ہے پلیز ” مامون کے قریب آنے پر وہ گھبرا کر پیچھے ہوتے اس سے التجا کر رہی تھی ۔۔”گھر جانا ہے ؟” اسکے پوچھنے پر شہرے نے تیزی سے اثبات میں سر ہلایا۔۔”اوکے چلی جانا مگر اس سے پہلے تمہیں میرے ساتھ ایک کانٹریکٹ سائن کرنا ہوگا””کانٹریکٹ ؟” اس نے ناسمجھی سے مامون کو دیکھا جو اثبات میں سر ہلا رہا تھا۔۔”بالکل۔۔۔ بس میں تمہیں جہاں کہوں گا تمہیں وہاں سائن کرنا ہوگا اسکے بعد جہاں تم جانا چاہو”وہ اتنی جلدی راضی ہوگیا تھا شہرے کو یقین نہیں آیا تھا۔۔”اوکے پھر اچھے سے فریش ہوجاؤ میں ابھی باہر جا رہا ہوں تھوڑی دیر میں واپس آؤ گا اوکے؟””مجھے گھر جانا ہے پلیز “شہرے کی آواز پر اسکے باہر کی جانب بڑھتے قدم تھمے۔۔”میں نے کہا نا میں آتا ہوں فریش ہوجاؤ کپڑے اندر ہیں” اب کی بار اسکے لہجے میں نرمی مفقود تھی۔۔شہرے نے ڈر کے سر ہلایا اور اسکے جاتے ہی وہ واشروم میں بند ہوئی تھی جہاں پہلے سے کپڑے موجود تھے۔۔اسے بس کیسے بھی کر کے یہاں سے نکلنا تھا اس کے کئے اسے چاہے مامون کی کوئی بھی بات ماننی پڑے۔۔فریش ہو کر اسنے سرخ رنگ کی سلک کی فراک زیب تن کی تھی جو اس کے گھٹنوں تک آرہی تھی ۔۔گیلے بال کمر پر پڑے تھے۔۔اس نے شیشے کے سامنے کھڑے ہوتے خود کو دیکھا اسکی آنکھیں مسلسل رونے سے سرخ ہونے کے ساتھ سوجی ہوئی بھی تھیں۔۔”میم؟”ملازمہ کی پکار پر اس نے گردن موڑ کر اسے دیکھا۔”آپ تیار ہیں؟””وہ کہاں ہیں؟””وہ کون؟” ملازمہ نے اسکی شکل دیکھی۔۔”تمہارے باس انہیں کہو مجھے میرے چھوڑ کر آئیں” آنکھیں ایک بار پھر بھر آئی تھیں ملازمہ نے حیرت سے اسے دیکھا کیا۔”


میم نیچے میرج رجسٹرار آگئے ہیں میں آپ کو لینے آئی ہوں”ملازمہ کی بات ہر اسکا دماغ بھک سے اڑا تھا میرج رجسٹرار ؟””جی کچھ دیر میں آپ کی سر کے ساتھ شادی “ملازمہ نے اسکے چہرے پر پھیلے شاکڈ کے تاثرات دیکھ پریشانی سے اسے دیکھا کیا اسے کچھ دیر بعد ہونے والی شادی کا پتا نہیں تھا؟””مجھے نہیں کرنی کوئی شادی نکلو یہاں سے دفع ہوجاؤ مجھے میرے گھر جانا ہے ” وہ ایک دم سے پینک ہوئی تھی دل بری طرح گھبرایا تھا۔۔اسکا ری ایکشن اتنا شدید تھا کہ ملازمہ بیچارہ گھبرا کر اسے دیکھنے لگی جس نے پاس پڑا واس زمین بوس کیا تھا۔”مجھے نکالوں یہاں سے مجھے میرے گھر جانا ہے””کیا ہو رہا ہے یہاں؟” شور کی آواز سن مامون تیزی سے اوپر آیا تھا ۔”تم نے کہا تھا نا کہ تم چھوڑ دو گے یہ بول رہی تم شادی کر رہے ہوں مجھے شادی نہیں کرنی مجھے گھر جانا ہے تک ڈیول ہو تم جھوٹے ہو” مامون کے سینے پر ہاتھ مارے وہ رو رہی تھی اس نے قہر بار نظروں سے ملازمہ کو گھورا جو بیچاری خوفزدہ ہوتی سر جھکا گئی اسے اپنی نوکری جاتی ہوئی نظر آرہی تھی۔”لٹل گرل ایسے رونے سے کیا فائدہ مل رہا ہے؟” اسکے روتے وجود کو دیکھتے مامون نے ملازمہ کو جانے کا اشارہ کیا۔۔”مجھے گھر جانا ہے””تم گھر پر ہی ہو””یہ میرا گھر نہیں ہے مجھے میرے گھر جانا ہے”بار بار کی ایک ہی تکرار ۔۔مامون کے بیزاری سے اسے دیکھا۔۔”یہ میرا گھر ہے میری دنیا یہاں سے میری مرضی کے بغیر کوئی نہیں جاتا لٹل گرل۔۔۔ اگر تم چاہتی ہو میں تمہاری ماں کو کوئی نقصان نا پہنچاؤ تو چلو میرے ساتھ نیچے “اسکے چہرے پر آئے بال سمیٹتے وہ نرمی سے کہتا اسے ڈرا رہا تھا یہ اسکا انداز نہیں تھا مامون شیرازی اور نرمی؟؟کیا بات کرتے ہیں کوئی دیکھے تو مارے حیرت بے ہوش نا ہو جائے۔۔”مجھے نہیں کرنی شادی تم سے تم ایک ڈیول ہو۔۔۔””اور تم ایک فیری جو میری قید میں ہے میں تمہیں دو آپشن دیتا ہوں ابھی مجھ سے شادی یا اپنی ماں کی موت۔۔۔ دو منٹ ہیں تمہارے پاس اگر میرے نیچے پہنچنے سے پہلے تم باہر آگئیں تو ٹھیک ورنہ اپنی ماں کی لاش تمہیں ڈھونڈنے سے بھی نہیں ملے گی” اسکے چہرے پر آئے آنسو پوروں کر چنتا وہ کمرے سے نکلا تھا۔۔۔سیٹی بجاتے وہ سیڑھیاں اتر رہا تھا آخری سیڑھی پر پہنچتے اس نے موبائل پاکٹ سے نکالا جب اپنے پیچھے قدموں کی آواز پر اسکے چہرے پر کسی فاتح کی طرح مسکراہٹ آئی تھی۔مامون شیرازی ایک بار پھر جیت گیا تھا۔۔لڑکھڑاتے قدموں سے وہ اسکے پاس آکر کھڑی ہوئی تھی مامون نے ایک نظر اسکے جھکے سر کو دیکھا وہ اسکے کندھے سے بھی نیچے آتی تھی اسے دیکھنے کے لئے مامون کو سر جھکانے کی ضرورت تھی مگر بھلا اس نے کبھی سر جھکایا تھا؟”پروسیس شروع کریں” اسکے ایک حکم پر میرج رجسٹرار نے ان دونوں کو بیٹھنے کا اشارہ کیا اور پھر چند لمحوں اور دستخط کے بعد وہ مکمل مامون شیرازی کی ملکیت بن گئی تھی ۔۔۔۔مامون شیرازی نے جو چاہا تھا وہ اسے حاصل ہوگیا تھا مگر کیا واقعی ایسا ہوا تھا؟؟”جاری ہے​

 

[Sakht londaSakht londa is verified member.]

اچھی اسٹوری ہے سسپنس اور تھرلنگ مزا آرہا ہے اب نور اور عمائم کی زندگیوں میں کیا واقعات رونما ہوتے ہیں انتظار ہے اگلی قسط کا
شکریہ

 

[Rpearl]

3 different type k boys.alag alag adteen. Interesting Lakin sabb Ameer Taqatwar