احمد فراز

[alone_leo82]

کٹھن ہے راہ گزر تھوڑی دور ساتھ چلو​

احمد فراز​

​

کٹھن ہے راہ گزر تھوڑی دور ساتھ چلو ​

​

بہت کڑا ہے سفر تھوڑی دور ساتھ چلو ​

​

تمام عمر کہاں کوئی ساتھ دیتا ہے ​

​

یہ جانتا ہوں مگر تھوڑی دور ساتھ چلو ​

​

نشے میں چور ہوں میں بھی تمہیں بھی ہوش نہیں ​

​

بڑا مزہ ہو اگر تھوڑی دور ساتھ چلو ​

​

یہ ایک شب کی ملاقات بھی غنیمت ہے ​

​

کسے ہے کل کی خبر تھوڑی دور ساتھ چلو ​

​

ابھی تو جاگ رہے ہیں چراغ راہوں کے ​

​

ابھی ہے دور سحر تھوڑی دور ساتھ چلو ​

​

طواف منزل جاناں ہمیں بھی کرنا ہے ​

​

فرازؔ تم بھی اگر تھوڑی دور ساتھ چلو​

 

[alone_leo82]

پھر اسی رہ گزار پر شاید​

احمد فراز​

​

پھر اسی رہ گزار پر شاید ​

​

ہم کبھی مل سکیں مگر شاید ​

​

جن کے ہم منتظر رہے ان کو ​

​

مل گئے اور ہم سفر شاید ​

​

جان پہچان سے بھی کیا ہوگا ​

​

پھر بھی اے دوست غور کر شاید ​

​

اجنبیت کی دھند چھٹ جائے ​

​

چمک اٹھے تری نظر شاید ​

​

زندگی بھر لہو رلائے گی ​

​

یاد یاران بے خبر شاید ​

​

جو بھی بچھڑے وہ کب ملے ہیں فرازؔ ​

​

پھر بھی تو انتظار کر شاید​

 

[alone_leo82]

تجھے ہے مشق ستم کا ملال ویسے ہی​

احمد فراز​

​

تجھے ہے مشق ستم کا ملال ویسے ہی ​

​

ہماری جان تھی جاں پر وبال ویسے ہی ​

​

چلا تھا ذکر زمانے کی بے وفائی کا ​

​

سو آ گیا ہے تمہارا خیال ویسے ہی ​

​

ہم آ گئے ہیں تہ دام تو نصیب اپنا ​

​

وگرنہ اس نے تو پھینکا تھا جال ویسے ہی ​

​

میں روکنا ہی نہیں چاہتا تھا وار اس کا ​

​

گری نہیں مرے ہاتھوں سے ڈھال ویسے ہی ​

​

زمانہ ہم سے بھلا دشمنی تو کیا رکھتا ​

​

سو کر گیا ہے ہمیں پائمال ویسے ہی ​

​

مجھے بھی شوق نہ تھا داستاں سنانے کا ​

​

فرازؔ اس نے بھی پوچھا تھا حال ویسے ہی​

 

[alone_leo82]

تجھ سے مل کر تو یہ لگتا ہے کہ اے اجنبی دوست​

احمد فراز​

​

تجھ سے مل کر تو یہ لگتا ہے کہ اے اجنبی دوست ​

​

تو مری پہلی محبت تھی مری آخری دوست ​

​

لوگ ہر بات کا افسانہ بنا دیتے ہیں ​

​

یہ تو دنیا ہے مری جاں کئی دشمن کئی دوست ​

​

تیرے قامت سے بھی لپٹی ہے امر بیل کوئی ​

​

میری چاہت کو بھی دنیا کی نظر کھا گئی دوست ​

​

یاد آئی ہے تو پھر ٹوٹ کے یاد آئی ہے ​

​

کوئی گزری ہوئی منزل کوئی بھولی ہوئی دوست ​

​

اب بھی آئے ہو تو احسان تمہارا لیکن ​

​

وہ قیامت جو گزرنی تھی گزر بھی گئی دوست ​

​

تیرے لہجے کی تھکن میں ترا دل شامل ہے ​

​

ایسا لگتا ہے جدائی کی گھڑی آ گئی دوست ​

​

بارش سنگ کا موسم ہے مرے شہر میں تو ​

​

تو یہ شیشے سا بدن لے کے کہاں آ گئی دوست ​

​

میں اسے عہد شکن کیسے سمجھ لوں جس نے ​

​

آخری خط میں یہ لکھا تھا فقط آپ کی دوست​

 

[alone_leo82]

جز ترے کوئی بھی دن رات نہ جانے میرے​

احمد فراز​

​

جز ترے کوئی بھی دن رات نہ جانے میرے ​

​

تو کہاں ہے مگر اے دوست پرانے میرے ​

​

تو بھی خوشبو ہے مگر میرا تجسس بے کار ​

​

برگ آوارہ کی مانند ٹھکانے میرے ​

​

شمع کی لو تھی کہ وہ تو تھا مگر ہجر کی رات ​

​

دیر تک روتا رہا کوئی سرہانے میرے ​

​

خلق کی بے خبری ہے کہ مری رسوائی ​

​

لوگ مجھ کو ہی سناتے ہیں فسانے میرے ​

​

لٹ کے بھی خوش ہوں کہ اشکوں سے بھرا ہے دامن ​

​

دیکھ غارت گر دل یہ بھی خزانے میرے ​

​

آج اک اور برس بیت گیا اس کے بغیر ​

​

جس کے ہوتے ہوئے ہوتے تھے زمانے میرے ​

​

کاش تو بھی میری آواز کہیں سنتا ہو ​

​

پھر پکارا ہے تجھے دل کی صدا نے میرے ​

​

کاش تو بھی کبھی آ جائے مسیحائی کو ​

​

لوگ آتے ہیں بہت دل کو دکھانے میرے ​

​

کاش اوروں کی طرح میں بھی کبھی کہہ سکتا ​

​

بات سن لی ہے مری آج خدا نے میرے ​

​

تو ہے کس حال میں اے زود فراموش مرے ​

​

مجھ کو تو چھین لیا عہد وفا نے میرے ​

​

چارہ گر یوں تو بہت ہیں مگر اے جان فرازؔ ​

​

جز ترے اور کوئی زخم نہ جانے میرے​

 

[Mmp]

Good Bhai
احمد فراز​ ko post kar na ka laya

 

[Naqvi]

بہت اعلی شاعری ہے آغازبہت اچہا ہے

 

[Kamran200696]

زبردست

 

[Sexy_dick_lhr]

زبردست
کیا کہنے
کمال

 

[Aashiq]

بہت اعلی بہترین کلام ہے